CULINARY CHAMBER Tanzanian Executive Chef Issa Kapande

JIFUNZE KUTENGENEZA BAJIA HII YA MBOGA AINA YA CAULIMAUA

2012-02-13T10:58:00.000+01:00

JIFUNZE KUPIKA KITAFUNWA HIKI SAFI KABISA NI RAHISI KINAVUTIA

MAHITAJI

JINSI YA KUANDAA FATILIA PICHA NA MAFUNZO

JIFUNZE KUPIKA KITAFUNWA HIKI CHA MCHANGANYIKO WA UNGA WA MCHELE NA DENGU

2012-02-13T10:27:00.000+01:00

NI RAHISI SANA NA NAFUU JIFUNZE KUTENGENEZA KITAFUNWA HIKI CHA MCHANGANAYIKO WA UNGA WA MCHELE NA UNGA WA DENGU

MAHITAJI

JINSI YA KUANDAA FATILIA MAFUNZO NA PICHA HAPA CHINI

JIFUNZE KUPIKA KEKI HII YA MAZIWA AINA TATU

2012-01-29T20:49:00.000+01:00

KAA TAYARI KWA RECIPE SAFI KABISA YA KEKI HII YA MAZIWA AINA TATU

MAHITAJI

JINSI YA KUANDAA FATILIA PICHA NA MAELEKEZO HAPO CHINI

JIFUNZE KUPIKA PANCAKE YA MBOGA MAJANI

2012-01-25T22:53:00.062+01:00

RECIPE YA PANCAKE NA MBOGA MAJANI

MAHITAJI

480 gram unga wa ngano
120 gram maziwa ya maji
5 gram chumvi
50 gram sukari
2 mayai ya kuku
50 gram mafuta ya maji

1 kitunguu kikubwa katakata vipande vidogo
1 nyanya kubwa katakata vipande vidogo toa mbegu za ndani2 pili pili mbichi kata kata vipande vidogo (sio lazima)

majani ya gili gilani kwajili ya kupambia

JINSI YA KUANDAA FATILIA MAFUNZO NA PICHA HAPO CHINI

Muda wa kuandaa : Dakika 15

Muda wa kupika : Dakika 15
Idadi ya walaji : Watu 2
Idadi ya pancake : Kiasi cha 4 mpaka 6

Chukua unga, sukari, chumvi, maziwa, na mafuta ya maji pamoja na mayai changanya kwa pamoja kwa kutumia mchapo kisha weka pembeni unga wako, Kisha katakata pilipili, nyanya na kitunguu kama uonavyo katika picha.

Chukua kikaango kisha weka mafuta kiasi na sambaza vizuri kisha pata moto mimina kati kati ya kikaango unga wako na usambaze uenee kwenye kikaango chote.

Hakikisha unga ni wakutosha katika kikaango ili pancake yako iweze kua nene na mboga majani ziweze kutosha iache iive kwa dakika 3 kwa moto wa wastani, Ikishaanza tu kutoa kama mapovu kwa juu kuonyesha dalili ya kua itakua imeiva chini na inaendelea kuchemka kwa juu basi tupia vipande vya nyanya, korienda na kitunguu kisha geuza chini kuwe juu.

Baada ya kuigeuza utaona rangi ya kahawia upande ule uliokua chini inamaa imeshaiva upande wa kwanza pia upande wa pili ambao unamboga pika kwa dakika 3 na kisha toa itakua imeiva pia unaweza mwagia mafuta kiasi kw apembeni ili yaingie chini ya pancake yako na isiweze kuungua na kushika katika kikaango.

Baada ya dakika 3 itoe itakua imeiva na itakua na harufu safi sana ya kuvutia hakikisha unamapatia mlaji ikiwa yamoto.

Pancake hii unaweza kunywa na chai asubuhi au jioni saa 10 kama kitafunwa tu cha kawaida. Pia unaweza kula kama mlo kamili kwa mchana au usiku pamoja na chuzi wa nyama samaki au hata maharage ya nazi na familia ikafurahia sana sana.

JIFUNZE KUTENGENEZA BISKUTI ZA UNGA WA NGANO NA VIAZI VYA KUCHEMSHA

2012-01-23T23:50:00.069+01:00

BISKUTI ZA UNGA WA NGANO NA VIAZI VYA KUCHEMSHA

MAHITAJI

480 unga wa ngano ( self raising unapatikana katika maduka mengi tu)

3 kijiko kikubwa cha chakula siagi au butter, iache wazi katika joto la chumba ili iyeyuke
5 gram chumvi
1 kijiko kikubwa cha chakula fresh dill ichop chop vizuri kabisa ( sio lazima)
2 viazi vikubwa ( vichemshe katika maji moto kisha viponde ponde)
3 kijiko kikubwa cha chakula maziwa ya maji

JINSI YA KUANDA FATILIA PICHA NA MAELEOZ HAPO CHINI

Muda wa maandalizi : Dakika 30

Muda wa mapishi : Dakika 30
Idadi ya biscuti : Kiasi cha biscuti 20 mpaka 25

Chukua unga wako weka katika bakuli safi na kavu kisha washa oven kwa moto wa 450F.

Kisha changanya siagi, chumvi, unga na majani ya dill, Hakikisha unachanganya vizuri na ichanganyike safi kabisa.

Kisha chukua vile viazi vya kupondwa pondwa na uchanganye katika unga pamoja na maziwa ya maji na uhakikishe inachananyika vizuri kabisa.

Kwa kukanda pole pole na kwa umakini kwa dakika 5 tu utaona mchanganyiko wako upo safi kabisa na muonekano ndio huu.

KIsha unaanza ku roll kwa kutumia mpini huo mchanganyiko wako wa unga hakikisha juu ya meza unayosukumia umeweka unga wakutosha ili mcnganyiko uweze sukumima vizuri na usinatie kwenye meza.

Kisha kata maumbo aina yeyote upendayo kwa kutumia cutter.

Baada ya kukata hakikisha unatoa miduara yako na kuiweka pembeni kisha unaliunganisha lile unga lililobakia na kusukuma tena na unendelea zoezi la kukata kisha unarudia zoezi hili mpaka utakapo malizia mchanganyiko wa unga wote.

Paka kwa juu mafuta katika tray unayotaka kuokea kisha ziweke biscuti juu yake na uchome katika oven. Kwa wale wanaopenda sukari basi vunja mayai kwa pembeni au unaweza tumia maziwa ya maji na ukatukmia brush unapaka yale mayai au maziwa kwa juu ya biscuti kisha unanyunyizia sukari kwa juu na biscuti zako zikiiva zitakua na ladha ya sukari.

Kisha choma katika oven kwa dakika 20 mpaka 25 au mpaka zitakapo kua na rangi ya kahawia.

Ni rahisi sana au sio? Kitafunwa safi kabisa mhhh , Kitafuna hiki kitakuafanya kila ukipita karibu yake unatupia mdomoni kipande kimoja au viwili.

Muonekano safi kabisa wa biscuti hizi na unaweza zihifadhi kwa muda mrefu kwa matumizi ya baadae na bila ya kuharibika.

Sio lazima uweke dill unaweza hata kutumia maji ya machungwa, maganda ya limao, au ladha ya vanila.

WAANDALIE FAMILIA YAKO WAFURAHIE KITAFUNWA HIKI RAHISI KW AKUANDA NA GHARAMA NAFUU.

JIFUNZE RECIPE ZA CHAPATI, MAANDAZI NA SAMOSA

2012-01-23T09:48:00.003+01:00

HABARI WAPENZI WA BLOG MCHANA WA LEO HII NITAWEKA RECIPE YA VYAKULA VYOTE HAPO CHINI PAMOJA NA VINGINE VIPYA

PIA KWA WALE WANAOPENDA KUPIKA CHAPATI NA NYAMA YA MBUZI UNAWEZA CLICK LINK HII HAPO CHINI

http://activechef.blogspot.com/2010/05/chapati-na-nyama-ya-mbuzi.html

NA WALE WANAOPENDA KUPIKA MAANDAZI YA LADHA YA NAZI NA HIRIKI CLICK LINK HIYO HAPO CHINI KWA MAFUNZO ZAIDI

http://activechef.blogspot.com/2010/05/maandazi-ya-hiliki-na-tui-la-nazi.html

WAPENZI WA SAMOSA PIA UNAWEZA CLICK LINK HIYO HAPO CHINI NA UTAONA JINSI YA KUANDAA KWA UFASAHA

http://activechef.blogspot.com/2010/06/waoooooooooooo-samosa-samosa-samosa-za.html

CHEF ISSA

JIFUNZE KUTENGENEZA MUFFIN YA MATUNDA NA NAFAKA KWA LADHA SAFI KABISA

2012-01-15T22:06:00.024+01:00

HAPA CHINI NI MUFFIN YA MATUNDA NA NAFAKA

MAHITAJI

360 gram unga wa ngano

120 gram zabibu kavu
1 kijiko kikubwa cha chakula Baking Powder
5 gram chumvi
1/2 kijiko cha chai unga wa Cinnamon
3 apple au Pears chop chop vipande vidogo
60 gram chop chop korosho au walnuts
180 gram ya maziwa ya maji
1 kijiko kidogo cha chai vanila essence
2 kijiko kikubwa cha chakula olive au corn Oil
sukari nyeue ya unga kwajili ya kupambia

JINSI YA KUANDAA FATILIA PICHA NA MAELEZO HAPO CHINI

Muda wa maandalizi : dakika 30

Muda wa mapishi : dakika 30
Idadi ya walaji : 4
Idadi ya chakula : 12 muffins

Kaanga korosho au walnuts mpaka zinukie kwa dakika 6 hadi 8. Pia unaweza tumia Oven kwa moto wa 350F kwa dakika 5 hadi 6.

Chukua gram 120 za korosho na weka katika blenda kisha ongeza kijikokikubwa cha chakula 4 maji safi baridi na kisha saga na weka pembeni.

Katika bakuli safi na kavu weka unga wa ngano, sukari, baking powder, chumvi na cinnamon kisha changanya.

KIsha ongeza zabibu kavu, vipande vya apple au pears pamoja na korosho zote zilizobakia na uendelee kuchanganya mchanganyiko wako uchanganyike vizuri .

Kisha katika bakuli nyingine changanya vanila essence, zile korosho ulizosaga pamoja na maziwa ichanganyike vizuri pamoja na olive oil.

Chukua ule mchanganyiko wenye maziwa na korosho kisha umwagie ndani ya ule mchanganyiko wa unga na uendelee kuchanganya vizuri.

Hakikisha unachanganya pole pole mpaka mchanganyiko wako unachanganyika vizuri ( mchanganyiko huu utakua unanasa nasa). usichanganye muda mrefu utaharibu.

.Washa oven yako kwa moto wa 400F.Kisha weka karatasi kama zionekanzo kwenye picha ni maalumu kwajili ya kuokea muffin ziwe 12 kisha tumia cooking spray. Kwa kutumia Spray itafanya urahisi wa kutoa wakati ikishaiva kama huna spray basi tumia mafuta ya siagi.

Hakikisha unagawa sawa kwa sawa ili ziweze kutosha vikombe 12 vya muffin.

Nyunyizia kwa juu sukari yakutosha unaweza tumia ya unga au ya kawaida pia inaweza kua nyeupe au ya kahawia ni pendekezo lako tu.

Choma katika oven kwa dakika 20, Au mpaka ukichoma kwa kijiti kati kati kinatoka kisafi bila unga mbichi.

Toa katika pan ya kuokea , kisha zipoze katika wire rack. Maffin yako itakua kavu (crusty) na crunch nyingi toka kwa korosho kila unapotafuna. Na mapears au apple yanaweka unyevu ndani kwakua ni malaini. Ile korosho ya kusagwa inafanya muffins yako iweze kutafunika kilaini. Hakikisha unampatia mlaji zikiwa zamoto kwani ndio zinapendeza sana kwa ladha pia unaweza kula wakati wa chai ya saa10 jioni au chai ya asubuhi.

Unaweza tengeneza mchanganyiko huu kisha ukahifadhi katika friji kwa matumizi ya kesho asubuhi endapo umeandaa usiku au ukahifadhi kwenye friza kwa matumizi ya mwezi au wiki na ukapata ubora ule ule.

WAANDALIE FAMILIA YAKO KWA KITAFUNWA CHA ASUBUHI ILI WAANZE SIKU KWA FURAHAA.

JIFUNZE KUTENGENEZA CHAKULA HIKI CHA MCHANGANYIKO WA MABOGA, KAROTI, KITUNGUU NA PANEEL CHEESE

2012-01-09T21:42:00.037+01:00

RECIPE HII SAFI KABISA YA CHAKULA HIKI CHA MCHANGANYIKO WA MBOGA

MAHITAJI

120 gram mbegu za alizeti au unaweza tumia mbegu za ufuta

1 Boga dogo, menya, toa mbegu na katakata vipande
1 kitunguu kikubwa, chop chop
5 gram kitunguu swaumu
1 carrot kubwa, kata kata vipande vya ukubwa kama kwenye picha
240 gram paneel cheese au unaweza tumia ( mushrooms , uyoga )
1 kijiko kikubwa cha chakula korosho za kuoka, chop chop
1 fungu la corriender na parsley kwajili ya kupambia
5 gram chumvi
5 gram pili pili manga

JINSI YA KUANDAA FATILIA PICHA NA MAELEZO HAPO CHINI

Muda wa maandalizi : Dakika 30

Muda wa kupika : 30 dakika mpaka saa 1
Idadi ya walaji : Watu 2

Weka maboga katika baking pan, nyunizia kiasi mafuta pamoja na pili pili manga.

Roast katika oven kwa moto wa 400F kwa muda wa dakika 20 hadi 30 hakikisha inaiva na ukibonyeza inabonyezeka yaani laini wastani.

Kisha weka mafuta katika kikaango na kikishapata moto weka kitunguu, karoti na paneel cheese pampoja na chumvi na kitunguu swaumu endelea kukaanga.

Kisha weka maboga yaliookwa kwenye oven pamoja na mbegu za ufuta au mbegu za alizeti pia unaweza tumia hata mbegu za maboga endelea kukaanga na onja kama chumvi au pili pli manga haitoshi ongezea kiasi.

Kisha mwagia kwa juu majani ya korrienda na parsley kuongeza ladha na kuongeza rangi katika muonekano wa chakula chako.

Chakula hiki ni safi sana kwa afya ya mlaji kwani hakina mafuta kabisa pia ni tajiri sana kwa nutrition, Kumbuka kumwagia kwajuu zile korosho za kuokwa kwa juu kabla ya kumpatia mlaji.

Chakula hiki unaweza kula kama kilivyo au ukaongeza nyama, samaki au chapati au mkate pia na ukafurahia mlo huu wewe na familia yako.

NI RAHISI SANA KUANDAA NA HAKINA GHARAMA KABISA WAANDALIE FAMILIA YAKO CHAKULA BORA WAFURAHI.

JIFUNZE KUPIKA WALI AINA YA RISOTTO

2012-01-06T18:05:00.068+01:00

RECIPE SAFI KABISA YA KUPIKA WALI AINA YA RISOTTO WALI HUU ASILI YAKE NI ITALIA NA MARA NYINGI UNAPIKWA NA MVINYO MWEUPE NA CHEESE HAKIKA LADHA YAKE NI SAFI SANA SANA!!!

MAHITAJI

360 gram Arborio Rice ( Risoto rice)

1/2 kijiko kidogo cha chai Saffron strands
2 kijiko kikubwa cha chakula siagi
1 kitunguu maji kikubwa chop chop
1 kijiko kidogo cha chai kitungu swaumu cha kusagwa
1 kwaruza limao maganda yake (zest Lemon)
1.2 lita ya maji
5 gram chumvi
3 vegetable cubes
2 glasi za white wine
5 gram pili pili manga
20 gram Vegetarian Parmesan Cheese shaving
2 kijiko kikubwa cha chakula Extra Virgin Olive Oil (sio lazima)
Parsley kwa kupambia

JINSI YA KUPIKA FATILIA PICHA NA MAFUNZO HAPO CHINI

Muda wa maandalizi: Dakika 15

Muda wa kupika: Dakika 30
Idadi ya walaji: Watu 4

Chukua sufuria kisha chemsha maji lita moja na nusu pia weka vegetable cubea ili uweze pata vegetable stock na hakikisha unafunika ili yachemke mapema.

Weka saffron katika bakuli pamoja na maji yamoto kijiko kimoja mpaka iyeyuke na kubadilisha rangi.

Weka siagi katika sufuria ikishayeyuka weka kitunguu maji na kitungu swaumu endelea kukaanga kwa dakika 3 mpaka iwe laini.

Kisha chukua wali wako mkavu hutakiwi kuuuosha kawaida huwa unakua msafi sana. Weka ndani ya sufuria na endelea kukaanga.

Endelea kukaanga mpaka utaona unabadilika rangi na kunukia harufu nzuri.

Kisha weka glasi moja ya mvinyo mweupe ( white wine) pamoja na safrom acha iendelee kuiva pole pole. Kumbuka safron sio lazima kuweka.

Hakikisha unaendelea kukoroga na chakula chako kisishike kwa chini au kuungulia.

weka gram 600 za vegetable stock katika yale maji uliochemsha mwanzo katika wali wako na koroga kisha acha maji yakaukie kumbuka wakati unasubiri maji ya kauke unatakiwa mara kwa mara unaendelea kukoroga.

Kisha ongeza kikombe kimoja cha white wine endelea kukoroga. Hakikisha kila maji yanapokauka we unaendelea kuongeza kikombe kimoja yakikauka tena unaongeza kikombe kimoja mpaka wali wako uive.

Baada ya wali wako kua creamy sasa weka chumvi na pili pili manga kisha koroga vizuri.

Mwagia kwa juu na Parmesan cheese, parsley. Mimi na familia yangu huwa tunapenda kunyunyiziakwa juu Extra Virgin Olive oil chakula kikiwa tayari kwenye sahani inasaidia kuongeza moistness na richness kwenye risotto nikiwa pembeni na Crusty bread.

ONYESHA UJUZI WAKO FAMILAI IFURAHIE CHAKULA HIKI KITAMU

KHERI YA MWAKA MPYA WAPENZI WOTE WA BLOG YA CHAKULA SALAMA NA BORA

2011-12-31T19:07:00.000+01:00

HABARI WAPENZI WA BLOG HII SAFI YA CHAKULA BORA NA SALAMA

NASHUKURU SANA KWA USHIRIKIANO WENU NA MCHANGO WA MAWAZO YENU PAMOJA NA KUA WASOMAJI WAZURI SANA WA BLOG HII.

CHANGAMOTO ZIMEKUA NI NYINGI SANA IKIWA MOJA WAPO NI MUDA WA KUKAA CHINI KUWEKA PICHA NA MAELEZO YA MAFUNZO JINSI YAKUNDAA VYAKULA.

TUOMBE UZIMA MOLA AKIPENDA NITIMIZE NDOTO YANGU YA KUANZA KUWEKA VIDEO HII HAITAKUA NA MASWALI MENGI MAANA KILA MMOJA WENU ATAONA NA MNAKIELEWA KISWAHILI KWA UFASAHA KABISA.

PIA WALE WOTE WALIOJIANDIKISHA KUJIUNGA NA CHAMA CHA WAPISHI TANZANIA KAENI TAYARI KABISA KWA MKUTANO MKUU WA CHAMA PIA TUWEZE KUCHAGUA VIONGOZI NA SHUGHULI ZA CHAMA KUANZA RASMI

KWA NIABA YA ACTIVE CHEF ASSOCIATION OF TANZANIA NA CULINARY CHAMBER BLOG NAWATAKIA MWAKA WA MAFANIKIO NA AFYA NJEMA 2012 MOLA ATULINDE SOTE NA ATUSIKILIZE DUA ZETU SOTE AMIIN

WASALAAM

CHEF ISSA

JIFUNZE KUPIKA KITAFUNWA CHA SPINACH NA DENGU

2011-12-29T17:07:00.061+01:00

KAA TAYARI KWA RECIPE SAFI KABIS A YA KITAFUNWA HIKI CHA DENGU NA SPINACH

MAHITAJI

240 gram dengu (Whole Black Gram)

2 pili pili mbuzi (green chillies)
5 gram tangawizi ya kusaga
1 kitunguu maji kikubwa chop chop
240 gram spinach mbichi ikate kate (chopped Spinach)
5 gram chumvi
majani ya giligilani ya kuongeza ladha (Cilantro)
majani ya curry kwa kuongeza ladha (Curry leaves)

JINSI YA KUPIKA FATILIA PICHA NA MAFUNZO HAPA CHINI

Muda wa kuandaa : masaa 3 hadi 4

Muda wa kupika: dakika 30
Idadi ya walaji: Watu 4
Idadi wa vitafunwa : Kiasi cha 8-10 inategemea na upana au umbo

Loweka kwenye dengu kwenye maji kiasi cha lita moja kwa masaa 2 hadi 3 au mpaka utakapo ona zimeshameza maji na kulainika.

Hakikisha unazichuja na kuzikausha vizuri kama picha inavyoonyesha.

Weka dengu zako kwenye blenda ( food processor) pamoja na chumvi, tangawizi na pili pili ila sio lazima kama hutumii pili pili ingawa inaleta ladha ya kuchangamsha.

Hakikisha unasaga mchanganyiko uwe na muonekano kama huo usiweke kabisa maji ila kama blenda yako unaona haiwezi kusaga sababu ya ukavu basi weka maji kidogo sana ili uweze kusaga na kupata mchanagnyiko mkavu kama huo.

Kisha chukua dengu zilizosagwa weka katika bakuli pamoja na kitunguu maji, majani ya gili gilani, majani ya curry pamoja na spinach pia unaweza nyunyizia ndimu kiasi kuongeza ladha sio lazima.

Hakikisha unachanganya vizuri sana.

Kata kidogo na kisha hakikisha unatengeneza umbo la kama mpira.

Tumia karatasi ya Plastic na uipake mafuta kisha weka ule mviringo wa machanganyiko wa dengu na spinach juu yake kisha tumia vidole vyako viwili na ukandamize.

Tumia kidole chako na choma kati kati upate umbo kama la doughnut. Ni jinsi ya kutengeneza umbo zuri lakini sio lazima!

Chukua sufuria au kikaango weka mafuta kisha pata moto wa wastani chukua ile mchanganyiko kisha weka katika sufuria na endelea kukaanga hakikisha mafuta ni moto wasatani ili isibabuke na matokeo yake haiivi ndani (med-hot).

Kumbuka kugenuza mara kwa mara mpka upate rangi hii nzuri ya kahawia.

Kisha toa na weka katika karatasi ili yapoe na kuchuja mafuta pia. Kama ulifata maelekezo vizuri basi itaiva vizuri na wala hazitakau na mafuta kabisa karatasi haitaloana mafuta kabisa.

Hakikisha unampatia mlaji haraka sana ikiwa bado inamoto kwani ndio inakua na ladha nzuri pia unaweza kula na- Coconut chutney, spicy tomato chutney au tomato ketchup! ni nzito sana ukila unashiba kabisa.

Hazipendezi kukaa kwenye friji zaidi ya siku moja zinapoteza ladha na ubora pia

MIMI NA FAMILAI YANGU HUWA NAPENDA KULA NA SPICE TOMATO KETCHUP NA TUNAFURAHIA SANA. NI RAHISI KUTENGENEZA NA FAMILIA ITAFURAHIA SANA KITAFUNA HIKI.

JIFUNZE KUPIKA DENGU HIZI TAMU SANA

2011-11-24T22:29:00.090+01:00

RECIPE SAFI SANA YA DENGU HIZI ZA AINA YAKE
MAHITAJI

240gram Pigeon Peas ( Dengu)
1/4 tsp Turmeric (manjano)
720 gram maji masafi
3 kijiko kikubwa cha chakula samli (Ghee)
1 kitunguu kikubwa chop chop
1 nyanya ya kuiva kubwa chop chop
1 kijikon kimoja cha chai binzali nyembamba
2 pili pli kavu nyekundu (Dried Red Chilies)
3 mbegu za karafuu
1 tangawizi ya kusaga (grated Ginger)
majani ya Curry na giligilani kwajili ya kupambia
5 gram maji ya limao
5 gram ya chumvi

JINSI YA KUANDAA CHAKULA FATILIA PICHA NA MAELEZO HAPO CHINI

Muda wa kuandaa : Dakika 15

Muda wa kupika : Dakika 15
Idadi ya walaji : Watu 4

Osha dengu katika maji baridi kisha zichuje vizuri.

Unaweza tumia njia mbili ya kuzipika hizi dengu moja ni kuloweka kwa masaa 2 kisha unazichemsha kwa sufuria ya kawaida au unaweza tumia pressure cooker na ukaweka manjano na kutumia maji gram 720.

Kwa kutumia preasure cooker ni dakika 10 tu zinakua zimeshaiva.

Wakati unachemsha dengu weka kikaango au sufuria ipate moto weka mafuta kisha ongeza samli (Ghee), binzali nyembamba, karafuu, pilipili, tangawizi, kitunguu maji pamoja na chumvi endelea kukaanga.

Vitunguu vinapoanza kuiva ongeza nyanya endelea kukaanga zikiiva weka majani ya curry na majani ya giligilani.

Toa dengu zako katika pressure cooker. dengu zako zitakua zimeiva kabisa na kua na ubora safi kabisa.

Maji yatakua yamekauka katika preasure cooker chemsha maji kikombe kimoja na weka katika preasure cooker na ukoroge.

Kisha chukua ule mchanganyiko wako wa vitunguu na nyanya kisha mimina kwenye dengu zako.

Hakikisha unaendelea kukoroga na ongeza maji ya limao pia kwa kuongezea ladha zaidi.

Hakikisha unampatia mlaji chakula hiki safi kabisa kikiwa chamoto unaweza kula na chapati, mkate, Tortillas, Naan or ugali pia hata wali na familia ikafurahia sana.

Binafsi huwa napenda kula ikiwa pamoja na chapati na wali ili kuongeza ladha na ubora huwa naongeza limao kwakua linasaidia kupunguza madini ya chuma katika dengu.

ANDAA CHAKULA HIKI KIZURI UKIWAPUMZISHA NYUMBANI KULA NYAMA MARA KWA MARA NA WATAFURAHIA KUANZA MWAKA NA CHAKULA SAAFI

HABARI WAPENZI WA BLOG

2011-11-22T20:24:00.000+01:00

NIMEUMWA SANA NDUGU ZANGU KWA MUDA WA SIKU 7 SASA NASHUKURU ALLAH SASA NINANAFUU NA NITAENDELEA NA KAZI KAA TAYARI KWA RECIPE SAFI ZA MWAKA MPYA NA CHRISTIMAS

CHEF ISSA

JIFUNZE KUTENGENEZA WALI WA MANJANO

2011-11-10T19:10:00.072+01:00

KAA TAYARI KWA RECIPE SAFI KABISA NA RAHISI YA KUANDAA WALI HUU WA MANJANO NA KWA GHARAMA NAFUU SANA FAMILIA YAKO IFURAHIE

MAHITAJI

1 au 2 Saffron ( zafarani ya orange)

4 kijiko kikubwa cha chakula Olive oil
1 kitunguu kikubwa kata kata
1 pili pli hoho katak kata vipande vidogo vidogo
1 kijiko kidogo cha chai kitunguu swaumu cha kupondwa
240 gram mchele wa basmati
340 gram za maji ya vugu vugu
5 gram ya chumvi
majani kiasi ya giligilani kwa kupambia na kuongeza ladha

JINSI YA KAUNDAA FATILAI PICHA NA MAELEZO HAPO CHINI

Muda wa maandalizi: dakika 15

Muda wa mapishi: dakika 15
Idadi ya walaji: watu 2

Katika kikaango weka kitunguu maji na safron pamoja na mafuta katika moto mdogo kisha endelea kukaanga pole pole.

Baada ya mafuta kubadilika rangi ya orange. Kisha toa katika moto na acha ipoe kwa dakika 10 kisha yachuje hayo mafuta.

Kisha chukua kijiko kimoja kikubwa cha mafuta na weka katika kikaango. Kisha chukua tena kitunguu maji na kitunguu swaumu endelea kukaanga mapak vilainike. Kisha ongeza pili pli hoho na endelea kukaanga mpaka iwe laini.

Kisha weka mchele na endelea kukaanga pole pole mpaka mchele utaponukia na kubadilika rangi na kulainika.

KIsha ongeza maji na ufunike iendelee kuiva kwa dakika 8-10 kwa moto mdogo mpaka iive.

Baada ya kuiva kataka majani ya corriender na pamba katika wali wako.

Hakikisha unampatia chakula hiki mlaji kikiwa chamoto.

Unaweza kuongeza ladha ya chakula hiki kwa kuweka karanga au zabibu kavu au hata korosho kavu

JIFUNZE KUPIKA MKATE HUU WA UNGA WA ATTA NA KITUNGUU SWAUMU

2011-11-07T09:06:00.102+01:00

KAA TAYARI KWA RECIPE SAFI KABISA YA CHAPATI HII YA AINA YAKE

MAHITAJI

720 gram unga wa atta

3/4 kijiko kidogo cha chai Baking Powder

3 kijiko kidogo cha chai kitunguu swaumu cha kusagwa

1 kijiko kikubwa cha chakula sukari

60 gram olive Oil

120gram plain Yogurt

1 kijiko kikubwa cha chakula mafuta ya samli ( ghee)

60 gram majani ya korriender

5 gram chumvi

JINSI YA KUANDAA FATILIA PICHA NA MAELEZO HAPO CHINI

Muda wa maandalizi : saa 1

Muda wa mapishi : dakika 15

Idadi ya walaji : 4 watu

Idadi ya chapati : 10-12 inategemea na upana na ukubwa utakao penda

Weka unga wa atta katika beseni pamoja na baking powder, chumvi na sukari kisha changanya vizuri.

Kisha ongeza majani korienda, samli (ghee) pamoja na kitunguu swaumu na mtindi halisi usio na ladha ( Plain yorghut).

Kisha changanya vizuri.

Kisha chukua maji ya vugu vugu na weka kijiko kimoja kisha unachanganya endela na zoezi hilo mpaka upate mchanganyiko safi.

Endelea kuchanganya mchanganyiko wako uchanganyike vizuri.

Kisha chukua unga wako weka katika mbao iliyomwagiwa unga na endelea kukanda kwa muda ili ulainike kabisa.

Hapa sasa mchanganyiko wako umekua laini na safi

Chukua mchanganyiko na uweke katika bakuli safi na kavu kisha funika kwasaa 1 hadi 2 na karatasi laini ya nailoni.

kisha anza kukata kiasi cha mduara ya unga ukubwa wowote unaopenda

Tumia rolling pin kisha tengeneza miduara. Usisahau kuweka unga kwenye kibao na kwenye rolling pin.

Mimina kiasi unga wa ngano kwenye kikaango.Kisha mwagia pande zote mbili za chapati yako mafuta na ukitaka ladgha safi tumia samli.

Kisha itaanza kuumuka kwa upande wa chini hiyo chapati.

Kisha geuza upande wa pili kisha chapati yako itaendelea kuumuka mara mbili ya umbo ulilosukuma mwanzo kisha malizia kupika kwa dakika 2.

Hakikisha unampatia mlaji chapati ikiwa yamoto. Mimi binafsi huwa napenda kula na yummy chicken au beef stew.

Huu ni muonekan safi wa chapati

Unaweza kula na soda, juisi, au chai pia hata kahawa na mchuzi mzito

JIFUNZE KUTENGENEZA KINYWAJI HIKI CHA STRAWBERY MCHANGANYIKO NA ICE CREAM

2011-10-25T17:49:00.066+02:00

KINYWAJI HIKI NI BARIDI NA SAFI KWA LADHA YA TUNDA HILI NA UNAWEZA KUANDAA KWA MITINDO TOFAUTI KAA TAYARI KWA RECIPE

MAHITAJI

Kwajili ya Strawberry Syrup

400gram matunda ya Strawberries
300 gram Sukari

For the Frappucino (Approximate Measurements - Use as a guideline to cater to your preferences)

240 gram maziwa
240 gram Vanilla Icecream
60 gram Strawberry Syrup
6 matunda mazima ya Strawberries, kisha kata kata vipande
3 vipande vya barafu (ice cubes)
Whipped Cream (sio lazima)

JINSI YA KUANDAA FATILIA PICHA NA MAFUNZO HAPO CHINI

MUda wa maandalizi: Dakika 15

Muda wa mapishi : Dakika 15

Idadi ya walaji : Watu wa 2

Chemsha matunda ya strawbery pamoja na sukari kwa wakati mmoja iive mapaka yapondeke . Kish chukua chujio na chuja ili upate syrup.

Weka syrup kwenye ubaridi ipoe na inashauriwa ipoe kwa masaa 4.

Kisha weka katika blenda whipped cream, vipande vya barafu, maziwa, strawbery syrup na vipande vya strawberries bakisha kiasi kwajili ya kupambia.

Washa blenda mpaka mchanganyiko wako ujiblend. Ladha ya kinywaji hiki inategemea wewe mynwaji au familia yako inapenda nini hasa unaweza weka syrup nyingi au kidogo au ice cream nyingi inategemea nawe unavyopenda na utapata ladha uipendayo.

Kisha weka vipande vya strawberries katika glasi anayotumia mywaji na pia mimina ule mchanganyiko wa strawberries na creme.

Sasa hapa unaweza ongeza utanashati zaidi kwa kuweka whipped cream juu ya glasi ya mnywaji na unatakiwa umpatie ikiwa yabaridi

MUONEKANO SAFI KABISA WA KINYWAJI HIKI TAYARI KWA KUJIBURUDISHA WAANDALIE FAMILAI YAKO WAFURAHIE KINWAJI HIKI NA UNAWEZA KUNYWA WAKATI WOWOTE PIA UNAWEZA KUNDAA KWA AINA TOFAUTI YA MATUNDA LAKINI KWA KUFATA MTINDO HUU HUU.

HABARI NJEMA WAPENZI WA BLOG

2011-10-15T22:00:00.008+02:00

KWAHERI DAR ES SALAAM NASHUKURU RAFIKI WOTE TULIOONANA

SHUKA MPAKA CHINI KABISA UTAONA JINSI YA KUPIKA NA KUPAMBA KEKI YENYE LADHA SAFI KABISA

NAWATAKIA SIKU NA KAZI NJEMA

CHEF ISSA

JIFUNZE KUPAMBA CHAKULA KATIKA SAHANI

2011-10-05T22:13:00.001+02:00

HUONGEZA MVUTO NA PIA KUHAMASISHA HAMU YA KULA KWA MLAJI, KILA CHAKULA KINA AINA YAKE YA UPAMBAJI

JIFUNZE KUTENGENEZA BAMIA HIZI KWA UHARAKA NA LADHA SAFI

2011-09-14T19:24:00.089+02:00

UMECHELEWA KUTOKA KAZINI NA UMETAMANI KUPIKA BAMIA JIFUNZE NJIA HII RAHISI NA NYEPESI YA KUPIKA KWA UBORA NA LADHA SAFI KABISA

MAHITAJI

500 gms bamia mbichi (Ladiesfinger)

2 vitunguu vikubwa kata slice
1 kijiko kidogo cha chai tangawizi iliyosagwa
1 kijiko kidogo cha chai kitunguu swaumu kilichosagwa
1 kijiko kidogo cha chacumin binzali nyembamba
1/2 kijiko kidogo cha chai unga wa manjani (turmeric)
1 kijiko kidogo cha chai unga wa giligilani -(coriander powder)
1 kijiko kidogo cha chai unga wa pili pili (chilli powder)
1/2 kijiko kidogo cha chai juisi ya limao (lemon juice)
1/21 kijiko kidogo cha chai Garam Masala
5 gram chumvi

MUDA WA MAANDALIZI

Muda wa kuandaa : Dakika 30

Muda wa kupika : Dakika 30
Idadi ya walaji : Watu 2

JINSI YA KUANDAA FATILIA MAFUNZO HAPA CHINI

Osha, safisha kisha kausha bamia zako. Kisha kata ncha za mwisho na ukate tena kugawanyisha mara 2 kama uonavyo katika picha.

Katika kikaango cha moto weka 1/2 kijiko kidogoc ha chai mafuta ya kupikia, kisha ongezea binzali nyembamba. ikishakua ya brown, ongezea kitunguu maji kilichokatwa, pamoja na tangawizi na kitunguu swawumu cha kusagwa pamoja na chumvi. Endelea kukaanga mpaka vitainike.

Kisha weka bamia, hakikaisha hapa unaongeza moto uwe mkali kabisa na kaanga haraka ili bamia ichanganyike na viungo na kitunguu. Kisha punguza moto na acha bamia ichemke kwa dakika 5.

Chakula hiki kinakua tayari tu pale bamia zinapokua laini baada ya kupikwa kwa dakia 15 hadi 20..

HAzitakua rojo rojo zitakua na ugumu wa wastani (crunchy) na ni laini kwa mlaji. Just the right bite to it. Kabla ya kutoa unaweza ongeza moto na ukamalizia kiungo cha mwisho juisi ya limao na garam masala, koroga vizuri na kisha mpatie mlaji na Chapati pamoja na wali.

CHAP CHAP UNAANDAA

CHAP CHAP IMEIVA

CHAP CHAP UNAKULA

JIFUNZE KUTENGENEZA BAMIA NA MCHUZI MZITO WA MTINDI

2011-09-14T19:13:00.093+02:00

KAA TAYARI KWA KUJIFUNZA KUTENGENEZA MCHUZI HUU MZITO WA BAMIA NA MTINDI KWA NJIA RAHISI NA NYEPESI FAMILIA WAFURAHIE

MAHITAJI

480 gram mtindi halisi (plain Yogurt)
2 kijiko kikubwa cha chakula Channa flour (unga wa dengu)
10 bamia kubwa (Ladies finger)
1/4 kijiko kidogo cha chai ungwa wa Turmeric
1/2 kijiko kidogo cha chai sukari
5 gam chumvi
1 kipande cha mdalasini (Cinnamon Stick)
3 mbegu za karafuu (Cloves)
1 kijiko kidogo cha chai mbegu za binzali nyembaba (Cumin Seeds)
1 pili pili nyekundu ya kukauka (Dried Red Chillies)
5 gram pili pili manga
1 kjiko kidogo cha chai samli
Majani ya giligilani kwa kupambia

MUDA WA MAANDALIZI

Muda wa kuandaa : Dakika 15

Muda wa kupika : dakika 30
Idadi ya walaji : Watu 2

JINSI YA KUANDAA FATILIA MAELEZO NA PICHA HAPO CHINI

Chukua mtindi kisha uchanganye na maji 480 gram piga mpaka ichanganyike vizuri.

Katika bakuli nyingine ndogo changanya unga wa dengu na mtindi kidogo hakikisha hauweki mabonge bonge.

Chukua mchanganyiko wa unga wa dengu kisha changanya katika mchanganyiko wa mtindi pamoja na pili pili manga na unga wa tumeric ichanganyike vizuri.

Kisha chukau mchanganyiko huo wa mtindi na weka katika kikaango hakikisha moto ni mdogo sana na endelea kukoroga lasiivyo mtindi utaunguklia kwa chini.

Kisha chukua kikaango kingine na weka kijiko kimoja cha mafuta na ukaange bamia pamoja na chumvi.

Chukua kifuniko na funika bamia ili ziive haraka lakini hutakiwi kufunika zaidi ya dakika 2 lasiivyo zitaiva sana na kupondeka kama hujiamini katika kukadiria muda basi acha wazi usifunike kikaango pika wazi.

Mpaka iive na iwe na rangi nzuri ya kahawia ya wastani.

Kumbuka kuendelea kukoroga mtindi katika kiakaango kingine na ukiona inaanza tu kuchemka zima

jiko.

Kisha chukua zile bamia ulizopika na zimwagine katika huo mchuzi wa mtindi.

Pia unaweza ongenea binzali nyembamba na majani ya giligilani na pili pili kavu nyekundu wakati bamia inachemka pamoja na kijiko kimoja kidogf cha chai mafuta ya samli.

Mpatie mlaji ikiwa ni ya moto unaweza kula na chapati, mkate au wali na familia ikafurahia sana sana

JIFUNZE KUTENGENEZA KEKI HII SAFI KABISA YA MCHANGANYIKO WA NAFAKA

2011-08-26T10:41:00.186+02:00

KAA TAYARI KWA KUJIFUNZA KUTENGENEZA KEKI HII SAFI KABISA NA RAHISI PIA HATUA KWA HATUA JINSI YA KUPAMBA KEKI

MAHITAJI

Mchanganyiko kwajili ya Cake

720 gram unga wa ngano
1 kijiko kidogo cha chai Baking powder
1 kijiko kidogo cha chai chumvi
360 gram sukari
1 kijiko kidogo cha chai unga wa Cinnamon
4 mayai vunja na ubakize ute mweupe tu
180 gram ndizi ya kuiva iponde ponde
120 gram Vegetable Oil
480 gram ndzi mbivu kata kata vipande
1 kijiko kidogo cha chai Vanilla Essence
120 gram kata kata vipande vya nanasi
240 gram vunja vunja koroshon za kuokwa

Mchanganyiko kwajili ya Cream Cheese

1 lita ya light Cream Cheese isiyo na mafuta
120 gram Butter au margarine
1 kilo Icing Sugar
1 kijiko kidogo cha chai Vanilla Essence
120 gram chopped koroso za kuokwa katika oven

JINSI YA KUANDAA FATILIA PICHA NA MAEELEZO HAPO CHINI

Muda wa maandalizi : saa 1 mpaka 2

Muda wa kupika : dakika 30 mpaka saa 1
Idadi ya walaji : 8 na zaidi

Katika bakuli changanya unga wa ngano, chumvi, sukari, baking powder na unga wa mdalasini ( cinamon)

Changanya vizuri mpaka vichanganyike kabisa

Chukua bakuli kisha piga ute mweupe wa yai na uchanganye na mafuta, vanilla pamoja na ndizi ya kuiva ulio iponda ponda kisha mimina mchanganyiko huu katika unga wako.

Tumia mwiko kuchanganya mchanganyiko huu pole pole mpaka uchanganyike.

Huu ni muonekano safi kabisa unga wako umechanganyika vizuri kwa kutumia mwiko.

Baada ya hapo weka vipande vya nanasi ulivyo kata kata, 240 gram ya korosho zilizookwa pamoja na vipande vya ndizi mbivu.

Endelea kuchanganya kwa kutumia mwiko mpaka upate mchanganyiko safi kabisa.

Chukua vyombo vya kuokea keki vyenye vya mduara na kina cha 9-inch kisha mimina mchanganyiko wako sawa kwa sawa katika vyombo vyote vitatu.

Coma keki yako katika moto wa 350° kwadakika 25 mpaka 30 inategemea na oven yako pia unaweza choma mpaka ukiweka katika keki tooth pick na inatoka kavu. Poza keki zako katika wire racks kwadakika 10; kisha toka katika pans ilizo chomea, na kisha ziache zipoe moja kwa moja katika wire racks.

Kwajili ya kupambia: Piga cream cheese pamoja na butter kwa speed ndogo kwama unatumia mashine ya umeme mpaka ilainike kabisa.

Pole pole na kidogo kidogo mimina icing sugar,

endelea kupiga kwa speed ndogo mpaka iwe nyepesi na inapanda

Kisha ongezea vanilla.

Paka mchanganyiko wako wa Cream Cheese katika kila keki yako kwa upande wa juu tu

Kisha zipandanishe na juu kabisa paka tena kama ionekanavyo katika picha

Kisha paka na pembeni ya keki pia kama picha inavyoonyesha iwe rafu rafu tu

Kisha mwagia juu ya keki yako 120 gram cup za korosho zilizookwa na ukazikata kata.

Kisha iweke keki yako katika friji. Ladha ya ndizi mbivu na nanasi pamoja na korosho inafanya keki hii iwe na ladha ya kipekee na ukiila mara moja utatamani kula kila siku!

Huu ni muonekano wa keki ikikatwa kwa ndani unaona mpangiliona muonekano wake ulivyosafi?

KEKI HII NI SAFI, RAHISI KUANDAA NA TAMU SANA WAFURAHISHE FAMILIA YAKO NA MAPISHI SAFI YA KEKI HII.

JIFUNZE KUTENGENEZA KEKI YENYE LADHA YA MAEMBE

2011-08-23T01:49:00.000+02:00

KAA TAYARI KWA KUJIFUNZA KUTENGENEZA KEKI HII YENYE LADHA YA MAEMBE NA MTINDI HALISI.

MAHITAJI

360 gram unga wa ngano

1 kijiko kidogo cha chai Baking Powder
1/2 kijiko kidogo cha chai chumvi
1 kijiko kidogo cha chai tangawizi ya unga
60 gram siagi isiyo na chumvi (Unsalted Butter) au blue band
60 gram Vegetable Oil (mafuta ya mahindi au ya olive )
240 gram sukari
4 ute mweupe wa mayai
100 ml Mtindi halisi (Natural Yogurt)
1 kijiko kidogo cha chai vanilla essence
60 gram juisi nzito ya maembe
1 limao kwaruza upate chenga chenga ( Zest)

JINSI YA KUANDAA FATILIA PICHA NA MAELEZO HAPO CHINI

Muda wa kuandaa : Dakika 30

Muda wa mapishi : dakika 30 mpaka saa 1
Idadi ya walaji : Watu 3

Washa oven iwe na joto la170C (350F). Paka siagi tray yako ya kuokea keki. Weka unga wa ngani kwenye bakuli pamoja na baking powder, chumvi na Tangawizi ya unga kisha weka pembeni.

Changanya zest za limao pamoja na sukari

Kanda kwa mikono ili iweze kuchanganyika.

Kisha chukua bakuli lenye sukari, siagi na mafuta ya olive au ya mahindi.

Kisha chukua bakuli nyingine weka ute mweupe wa mayai piga pamoja na vanilla mpaka itoe povu.

Kisha chukua mchanganyiko wa mayai piga pamoja na mchanganyiko wa sukari na siagi.

Baada ya kuchanganya vizuri kisha chukua yogurt na mwiko koroga pole pole mpaka ichanganyike vizuri

Kisha mimina unga pole pole na changanya kwa kutumia mwiko

Koroga mpaka uchanganyike vizuri kabisa endelea kuongeza mtindi mpaka upate mchanganyiko mlaini na mzito kwa ajili ya keki

Kisha ongezea mchanganyiko wa maembe na endelea kuchanganya vizuri.

Kisha mimina mchanganyiko wako kwenye tray ya kuokea na choma kwa dakika 50 mpaka 60.

Baada ya hapo hakikisha unachoma inakua na rangi safi ya kahawia. Kuiva kwa keki yako itategemea na aina ya kikaango ulichotumia na aina ya oven ukliookea mimi huwa nachoma kwa dakika 35 tu na inaiva.

Acha keki ipoe katika kikaango kwa dakika 5 mpaka 10 kisha toa na weka katika sahani tayari kwa kuliwa.

Ukiikata kwa ndani inakua laini safi kabisa na muonekano kama huo.

Unaona keki hii ilivyochambuka?

Ubora wa keki unategemea mchanganyiko mzuri, na muonekano wa keki inategemea na aina ya kikaango unachotumia.

NI NAFUU NA RAHISI KUTENGENZA WAANDALIE FAMILIA WAFURAHIE

JIFUNZE KUTENGENEZA ICE CREAM YA MATUNDA BILA KUTUMIA MAYAI

2011-08-15T15:39:00.096+02:00

HUU NI WAKATI MUAFAKA KWA WASIO TUMIA MAYAI KULA ICE CREAM PIA ISIYOKUA NA MAYAI NA IKAWEKWA LADHA TOFAUTI ZA MATUNDA.

MAHITAJI

360 gram fresh Strawberries kata ndogo ndogo
300 gram maziwa ya maji
30 gram sukari
360 gram Fresh Cream
1-1/2 kijiko kidogo cha chai Vanilla Essence
5 gram chumvi

JINSI YA KUANDAA FATILIA PICHA NA MAELEZO HAPO CHINI

Muda wa kuandaa : Masaa 2 mpaka 4
Idadi ya walaji : 8 mpaka 10

Chukua strawbery zilizokatwa vipande vidogo kisha weka katika bakuli pembeni.

Katika bakuli jingine safi weka maziwa, sukari, vanilla na chumvi changanya mapaka sukari iyeyuke.

Kisha changanya pia na fresh cream.

Kisha chukua strawberries pamoja na mchanganyiko wa maziwa na cream. Funika na weka katika friza gandisha kwa saa 1 hadi masaa 2 au usiku kucha. Mimi huwa nagandihsa kwa masaa 2.

Washa icecream maker kisha mimina mchanganyiko wa strawberry

Kuanzia hapa andaa ice ceram yako kama mashine inavyokuelekeza ( instruction manual )

Hapa ndio muonekano baada ya dakika 20.

Hahahaaa unaona kuna vijiko viwili hapo mhhh yaani mke wangu alikua anaisubiria kwa hamu sana kwahiyo nilipofunua tu mashine kuchota nae akaja nyuma na kijiko chake na kuchota pia

Huu ni muonekano safi baada ya ice ceram kua imakamilika. Toa katika mashine na weka katika chombo chako funika na karatasi ya plastic. Kisha osha vizuri mashine yako uliotumia.

Kisha igandishe kwa masaa 2 na huu ndio utakua muonekano wake.

Huu ndio muonekano halisi wa ice cream baada ya kupambwa katika bakuli ni laini , nyepesi kuandaa na haina mayai.

• Unaweza tumia strawberries za kopo au za kuagandishwa badala ya fresh.

•Kama hauna ice cream maker, Angalia katika mafunzo yalio pita ujifunze kuandaa bila ya kutumia mashine click link hii hapo chini utapata hatua zote za utenegenezaji bila mashine http://activechef.blogspot.com/2010/01/utengenezaji-wa-ice-cream-bila-ya.html.

JITAIDI TENGENEZA NYUMBANI FAMILIA IFURAHIE NI RAHISI SANA NA NAFUU

JIFUNZE KUTENGENEZA TAMBI ZA AINA YAKE

2011-08-09T22:59:00.077+02:00

KWA WAKATI HUU WA RAMADHANI JIFUNZE KUTENGENEZA AINA HII YA TAMBI

MAHITAJI

240 gram unga wa ngano au unaweza tumia (Gram Flour)

60 gram unga wa mchele (Rice Flour)
1 kijiko kikubwa cha chakula mafuta ya moto
1/2 kijiko kidogo cha chai binzali nyembamba ( cumin seeds) pia unaweza tumia hiriki kwa badala ya binzari nyembamba.
60 gram maji safi baridi na salama
5 gram chumvi.

JINSI YA KUANDAA FATILIA PICHA NA MAELEZO HAPO CHINI

Muda wa kuandaa: Dakika 15

Muda wa kupika: Sio zaidi ya dakia 15
Ujazo wa walaji: Watu 2

Chemsha mafuta katika moto.Kisha chukua gram 60 za maji baridi safi na salama, chumvi na binzali nyembamba weka katika blender na usage.

Saga mpaka uhakikishe imelainika kabisa.

Chukua unga wa ngano, unga wa mchele na mafuta moto.

Kisha chukua ule mchanganyiko wa mbegu za binzari nyembaba uliosaga na chuja katika chujio ukimimina kwenye beseni la unga.

Kanda unga wote uchanganyike vizuri sana. Lazima unga huu uwe mgumu wastani na usiwe laini. Kama mchanganyiko umekua mgumu sana basi tumia kijiko cha maji kuoneza maji mapak upate ugumu wa wastani. Ni bora unga huu uwe mgumu kisha uongeze maji kuliko ukiwa laini uanze kuongeza unga.

Kisha tumia pasta maker - Muonekano wake ni kama hapo kwenye picha ina matundu madogo madogo.

Kata donge dogo kisha weka kweny pasta maker.

Kisha weka mafuta katika kikaango na yapate moto wa wastani. Kisha bonyeza mashine yako ya kutengenezea pasta kwa juu huku ukiizungusha kuzunguka kikaango chako (circular motion). Itasaidia pasta zako zisishikane.

Utaona mapovu mengi tu wakati tambi hizi zikiwa zinaiva ndani ya mafuta . Acha zijikaange kwa muda kiasi, ukiona tambi zako zimebadilika rangi na kua kahawia (yellowish red), jua zimeiva. Zigeuze upande wa pili kwa muda mfupi tu kisha zitoe.

Zitoe na ziweke juu ya kitambaa safu au ( paper towel).

Unaweza ukaziacha kama zilivyo au ukazikata katia vipande vidogo. Unaweza zihifadhi katika chombo kisichopitisha hewa ka maisha marefu na ukaendela kufurahia pole pole.

Huu ndio muonekano wa tambi baada ya kuiva

Ni tamu sana na ni nafuu na rahisi kuziandaa mwezi huu mtukufu wa Ramadhani

WAANDALIE FAMILIA YAKO WAFURAHIE

JIFUNZE KUANDAA PUDING YA WALI NA CHOCOLATE

2011-08-01T23:41:00.108+02:00

NAWATAKIA RAMADHANI NJEMA WAPENZI WOTE WA BLOG HII YA MAFUNZO YA CHAKULA BORA NA SALAMA

KAA TAYARI KWA RECIPE SAFI YA PUDING YA MCHELE NA CHOCOLATE

MAHITAJI

120gram mchele mnene

600 gram Maziwa
5 gram chumvi
120 gram Sukari
2 kijiko kikubwa cha chakula maizena Cornstarch
2 kijiko kikubwa cha chakula maji safi na salama
1 kijiko kidogo cha chai Vanilla
120 gram Semi-Sweet Chocolate chips
Raspberries, majani ya Mint na sukari ya unga kwa kupambia (sio lazima)

JINSI YA KUANDAA FATILI PICHA NA MAELEZO CHINI

Muda wa kuandaa : masaa 4 mpaka 8

Muda wa kupika : dakika 30 mpaka saa 1

Idadi ya walaji : Watu 4 mpaka 6

Katika bakuli weka mchele na uloweke usiku kucha katika maji ya vugu vugu.

Kisha chuja maji na uweke pembeni.

Kisha chemsha maziwa angalau yawe ya vugu vugu.

Kisha ongeza maziwa na chumvi.

Endelea kuchemsha kwa moto wa wastan. Funika kisha endelea kuchemsha kwa saa 1. Hakikisha maziwa yasichemke sana.

Baada ya dakika 30 Huu ndio muonekano wa chakula hiki.

Kisha ongeza sukari na ukoroge. Funika kisha endelea kuchemsha kwa dakika 15

Changanya maizena (cornstarch) kwenye maji mpaka iyeyuke.

Chukua mchanganyiko wa maizena kisha weka katika mchanganyiko wa mchele na maziwa.

Funika na kisha endelea kuchemsha kiasi kw amoto wa pole pole kwa dakika 15 tena

Kisha weka vanilla. Kisha pika tena kwa dakika 1 na uzime jiko

Kisha weka chocolate chips

Kwakua mchanganyiko wa maziwa na mchele una uvugu vugu chocolate itayeyuka haraka jitaidi kukoroga vizuri ichanganyike.

Hapa mchanganyiko upo safi kabisa na tayari kwa kuliwa

Unaweza mpatia mlaji kikiwa cha moto au ukaweka katika friji ukala cha baridi. Unaweza kupamba na raspberries pamoja na mint.

Pia unaweza nyunyizia sukari ya unga kwa juu.

muonekano wa sukari ya unga unapendezesha zaidi ingawa sio lazima ni pendekezo la wewe muandaaji au mlaji.''

WAANDALIE FAMILIA YAKO WAFURAHIE

2011-08-01T13:54:00.000+02:00

NAFASI YA KAZI KWA MPISHI MKUU MSAIDIZI KATIKA JIKO

NAFASI YA KAZI................SOUS CHEF

UZOEFU WA KAZI ..................KUANZIA MIAKA 5 KATIKA HOTEL YA NYOTA 5

UJUZI WA UPISHI..............AWE NA UWEZO WAKUTOSHA IDARA ZOTE ZA JIKO

ELIMU ............................. KUANZAI CHETI NA KUENDELEA

KURIPOTI KAZINI.............. HARAKA IWEZEKANAVYO

UWAJIBIKAJI........... KUJITUMA NA KUWEZA KUFANYA KAZI MASAA MENGI

MSHAHARA.............MNONO SANA

MAHALI....................MTWARA

ENEO LA KAZI...........HOTEL YA NYOTA 3

AINA YA BIASHARA YA CHAKULA.............A LA CATER NA LIVE BBQ

MALAZI ............ CHUMBA CHA CHEF KIPO, VINYWAJI NA CHAKULA BURE

MATIBABU............... BURE

KWA YEYOTE ATAKAYE PENDA KUTUMA MAOMBI TAFADHALI TUMIA BARUA PEPE HII

issakesu@gmail.com NA UTAJIBIWA HARAKA SANA KUMBUKA KUAMBATANISHA CV

YAKO NA NAMBA YA SIMU.

WE NI MPENZI WA SANDWICH

2011-07-15T09:57:00.013+02:00

KAA TAYARI KWA RECIPE SAFI KABISA YA SANDWICH

WEWE NI MPENZI WA CHOCOLATE NA MCHANGANYIKO WA KARANGA?

2011-07-11T23:31:00.058+02:00

KAA TAYARI KWA RECIPE SAFI KABISA YA KITAFUNWA HIKI KITAMU CHA MCHANGANYIKO WA CHOCOLATE NA KARANGA

MAHITAJI

175 grams Dark Chocolate, (chopped )

200 grams maziwa ya maji
15 grams siagi isiyo na chumvi
75 grams korosho za kuokwa au ( Karanga za kukaangwa)
5 gram chumvi

JINSI YA KUANDAA FATILIA PICHA NA MAELEZO HAPO CHINI

Muda wa kuandaa: 1 saa hadi 2

Muda wa kupika: chini ya dakika 15
Inatosha vipande kwa watu 32 hadi 36

Kata kata chocolate, maziwa ya maji kisha changyana na siagi na chumvi katika sufuria kubwa.

Weka katika moto wa chini ili chocolate iyeyuke pole pole chocolate yako na kisha endelea kukoroga ichanganyike.

Changanya vizuri na uhakikishe imechanganyika vizuri na kua laini.

Baada ya chocolate kuyeyuka hakikisha una tupia ndani yake korosho, au karanga na wengine hutumia pistacho au walnuts.

Baada ya kuweka hizo karanga hakikisha unakoroga pia nazo zichanganyike vizuri pamoja na chocolate

Baada ya hapo mimina kwenye tray ya shepu yeyote upendayo wewe (mimi huwa natumia baking pan iliyowekwa karatasi au greased wax paper)

Hakikisha unaisambaza vizuri na upate uswa na umbo safi.

Acha chocolate yako ipoe, weka katika friji ipoe na igande. Kisha kata vipande vidogo vidogo unaweza kata 6X6 mistari ili upate vipande 32 hadi 36

Hapa ipo tayari kwa walaji kula au hata kuweka kwajili ya zawadi.Hakikisha inakaa kwenye ubaridi wa wastani ili isiyeyuke "Take a bite and experience chocolate heaven" :)

WAANDALIE FAMILIA ILI WAFURAHIE

NASHUKURU SANA WAPENZI WA BLOG KWA KUNIPIGIA KURA

2011-07-10T09:11:00.019+02:00

HABARI NJEMA NDUGU ZANGU. NAWASHUKURU SANA KWA JUHUDI ZENU KATIKA KUNIPIGIA KURA NA PIA KATIKA KUTAMBUA MCHANGO WA MAFUNZO NAYOWAPATIA. BILA NYINYI WASOMAJI BLOG HII ISINGEKUWEPO NINGAKATA TAMAA KUWEPO KWENU NDIO UHAI WA BLOG HII. NAWASHUKURU SANA NA NAWAAHIDI KUENDELEZA LIBENEKE LA CHAKULA.

MATOKEO NDIO HAYA HAPA CHINI PAMOJA NA CHETI NILICHOTUMIWA

The 2011 Tanzanian Blog Awards Best Food Blog Results

Okay guys here are the results for this year.....Congratulations to all finalists, winners and runners up.

The list for Best Food Blog was.

Best Food Blog

http://activechef.blogspot.com/ 51.77%
http://mapishimatamu.blogspot.com/ 28.37%
http://tasteoftanzania.com/ 11.35%
http://mrokim.blogspot.com/ 5.67%
http://www.bartycake.blogspot.com/ 2.84%..

JIFUNZE KUTENGENEZA MCHUZI WA MBOGA MAJANI NA NAZI

2011-06-29T21:25:00.049+02:00

KAA TAYARI KWA RECIPE SAFI KABISA YA CHAKULA HIKI YA NAZI NA MBOGA MBOGA MCHANGANYIKO

MAHITAJI

120 gram Mtindi (yogurt)

1 kilo ya Mchanganyiko wa mboga ( karot, kiazi ulaya, njegere, pilipili hoho, bilinganya, kabichi na kitunguu)
1 kijiko kikubwa cha chakula cha mafuta ya nazi (coconut oil)
1 kijiko kidogo cha chai binzali nyembamba ( cummin seeds)
1 pili pili ya kijani mbichi
120 gram tui la nazi, ( Pia nazi ya kopo au ya paketi inafaa ingawa mimi napendelea nazi fresh)
0.5 kijiko cha chai unga wa manjao (turmeric powder)
5 gram chumvi

JINSI YA KUANDAA FATILIA PICHA NA MAELEZO HAPO CHINI

Muda wa kuandaa: 30 dakika mpaka saa 1

Muda wa kupika: Chini ya dakika 15
Idadai ya walaji : Watu 2

Saga kwa pamoja machicha ya nazi, pilipili ya kijani na cumin seed upate tui zito.

Baada ya kupata tui zito kisha weka pembeni.

Weka mchanganyiko wa mboga zako katika sufuria yenye maji moto kisha chemsha kwa dakika 3 mpaka 3 kumbuka kuweka unga wa manjano na chumvi.

Baada ya kuchemsha kwa dakika 3 au 5 mboga zako zitakua zimeiva na maji yatakua yamepungua ongezea tui la nazi na endelea kuchemsha.

Wakati inaendelea kuchemka chukua mafuta ya nazi kisha weka katika kikaango na kaanga manjani ya giligilani au coriender leaves .Ikishatoa harufu safi tu toa katika moto

Chukua kikaango na mimina majani hayo kwenye sufuria ili ichemke.

Kisha toa sufuria katika moto. Baada ya chakula hiki kupoa kiasi kwa 37C ongeza mtindi (yogurt)

Hakikisha unachanganya vizuri.

Mchuzi mzito wa mboga mboga na nazi upo tayari! Hapa unaweza kula na wali au chapati au chochote upendacho wewe.

Lengo la kusubiri ipoe kiasi ni kusaidia mtindi usikatike ikiwa utachanganya wakati chakula bado ni cha moto

WAANDALIE FAMILIA WAFURAHIE SANA

HABARI NJEMA WAPENZI WA BLOG HII YA MAPAISHI

2011-06-25T23:10:00.000+02:00

NIMECHAGULIA KUA MMOJA WA WASHINDANI KATIKA BLOG BORA ZA MAFUNZO YA MAPISHI TANZANIA SOMA MAELEZO HAPO CHINI NA UNIPIGIE KURA

Tembelea http://www.tanzanianblogawards.com/ Kisha nemda mpaka kitengo cha Best Food Blog utaona jina la blog yako uipendayo http://activechef.blogspot.com/ na chini yake utaona neno hili Vote. una clik hapa kisha unakua umeshampigia kura chef Issa. Kura yako ni muhmu sana ili kuonyesha umuhimu na kuthamini mchango wa blog yetu ya culinarychamber.

NAWATAKIA KAZI NA SIKU NJEMA

CHEF ISSA

JIFUNZE KUTENGENEZA WAFFLE YENYE LADHA YA NAZI NA UKALA PAMOJA NA MATUNDA MCHANGANYIKO

2011-06-24T19:54:00.003+02:00

KAA TAYARI KWA KUJIFUNZA NAMNA YA KUTENGENEZA WAFFLE YENYE LADHA YA NAZI NA KISHA UKAONGEZA LADHA KWA KULA PAMOJA NA MATUNDA MCHANGANYIKO NA UIFANYE SIKU YAKO KUCHANGAMKA

MAHITAJI

KWAJILI YA MCHANGANYIKO WA MATUNDA

2 Maembe yalioiva menya na kisha kata kata vipande vidogo
450 grams ya matunda strawberries au( mchanganyiko wa apple nekundu na kijani na zabibu)
1 kijiko kikubwa cha chakula sukari

KWAJILI YA WAFFLE

429gram unga wa ngano
2 kijiko kikubwa cha chakula asali
1 kijiko kikubwa cha chakula baking powder
1/2 kijiko kidogo cha chai chumvi
4 kijiko kikubwa cha chakula siagi isiyo na chumvi , iyeyushe
4 kijiko kikubwa cha chakula vegetable oil
300 gram maziwa ya maji cup
4 ute mweupe wa yai, yapige wastani
120 gram tui la nazi
60 gram machicha ya nazi
Fresh mint kwajili ya kupambia

JINSI YA KUANDAA FATILIA PICHA NA MAFUNZO HAPO CHINI

Katika bakuli weka vipande vya maembe, strawberries na sukari

Funika matunda na karatasi ya nailoni mapak amatunda yatoe juices, kwadakika 90.Ni vizuri kama ukiandaa matunda haya usiku kucha yakakaa katika friji kisha ukayatumia asubuhi ya siku inayofuata.

Katika bakuli changanya unga, sukari, baking powder na chumvi.

Katika bakuli nyingine safi changanya siagi iliyoyeyushwa, maziwa, mayai na tui la nazi.

Chukua mchanganyiko wa unga na mimina pole pole kwenye mchanganyiko wa mayai na maziwa kisha koroga pole pole mpaka ilainike na kuchanganyika vizuri.

Mwisho weka machicha ya nazi

Hutakiwi kukoroga kwa nguvu sana itaharibu mchanganyiko wako koroga pole pole sana kiasi tu nazi hiyo ichanganyike na mchanganyiko wa unga

Washa ipate moto kwa mujibu wa maelekezo ya waffle maker's na pika mpaka iwe na rangi ya kahawia.

Muonekano huu ndio hasa inavyuotakiwa kua na ni tayari kwa mlaji kufurahia.

Mpatie mlaji ikiwa ya moto pamoja na mchanganyiko ule wa matunda yakiwa na ubaridi saafi

MWISHO KABISA WEKA JANI LA MINT KWA KUPAMBA NA MLAJI ATAVUTIWA SANA NA MCHANGAYIKO SAFI WA RANGI NA LADHA.

WAPENZI WA KINYWAJI KIZITO AU SMOOTHIE

2011-06-21T22:45:00.000+02:00

MAHITAJI

1 ndizi mbivu kubwa, chop chop

1 apple jekundu toa kokwa la kati kisha kata kata vipande vidogo iwe baridi

200 gram vipande vya embe dodo ilioiva vizuri iwe baridi

400 gram frozen strawberries

240 gram juice ya chungwa ya baridi

120 gram mtindi (yogurt) baridi

JINSI YA KUANDAA FATILIA PICHA NA MAFUNZO HAPO CHINI

Muda wa kuandaa: Dakika 15

Muda wa kupika: Dakika 15

Idadi ya walaji: Watu wawili

Chukua mchanganyiko wako wa matunda yote weka katika blender au smoothie maker. Blend

vizuri kisha mimina kwenye glasi tarayi kwa kunywa

Hii ni smoothie safi sana ikiwa na nutrition ya kutosha. Ingawa ina fiber nyingi sana, vitamin C, potassium na antioxidants. Mtindi (yogurt inachangia acidophilus)

MAHITAJI

1 Avocado (menya kisha chop chop)

1 pear (menya kisha chop chop)

1/2 ndizi mbivu (chop chop)

120 gram mtindi halisi (plain yogurt)

1 asali kijiko kikubwa cha chakula

JINSI YA KUANDAA FATILIA PICHA NA MAELEZO HAPO CHINI

Muda wa maandalizi: Dakika 15

Muda wa mapishi: Dakika 15

Idadi ya walaji: watu 2

Katika blender weka mchanganyiko wa matunda yote kisha saga na weka katika friji ipoe kisha mpatie mlaji

Pia kuongeza ladha zaidi unaweza weka juisi ya limao.

Ni bora san wka afya na ina vitamin C kwa wingi, folic acid, flavanoids na potassium. Ni tamu sana na inafaa kwa mtu wa umri wowote ule.

JIFUNZE KUTENGENEZA MAHARAGE YA LADHA YA KUOKA

2011-06-16T21:04:00.070+02:00

WATU WENGI WAMEKUA WAKINUNUA KATIKA MADUKA AU KULA KATIKA MAHOTEL MAHARAGE HAYA YA LADHA YA KUOKA AU BAKED BEANS SASA NI WAKATI MUAFAKA WA KUJUA JINSI YA KUYATENGENEZA NYUMBANI

MAHITAJI

480gram maharage mekundu, Loweka usiku kucha (Unaweza tumia maharage aina ya pinto)

1 Kitunguu kikubwa
1 fungu celery chop chop miti na majani yake
1 carrot kubwa kata mara 4
5 gram kitunguu swaumu kusagwa
5 gram tangawizi ya kusagwa
1 bay leaf
150 gram sukari
3 mbegu za karafuu
3 kijiko kikubwa cha chakula soy sauce
2 kijiko kikubwa cha chakula olive oil
5 gram chumvi
5 gram pili pili manga
JINSI YA KUANDAA FATILIA PICHA NA MAELEZO HAPO CHINI

Muda wa kuandaa : 8 masaa mpaka siku 1
Muda wa kupika: 30 dakika hadi saa 1
Idadi ya walaji: Watu 4

Chukua pressure cooker, weka maharage, caroti, celery, kitunguu, kitunguu swaumu, karafuu, tangawizi na bay leaf. Weka maji kwenye sufuria yafunike urefu wa 1 inch.

Pika kwenye Pressure cook kwa dakika 10-15.

Baada ya hapo maji yatakua yamekauka weka chumvi, pili pili manga kisha ongezea soy sauce, sukari, olive oil na unendelee kukoroga kwa dakika 1.

Kisha rudisha katika jiko kwa moto mdogo na usifinike sufuria yako, weka maji 400 gram chemsha kwa dakika 20 au mpaka utakapo ona yamelainika maharage.

Baada ya hapo mchuzi wote utakua umekauka na utaona mchuzi mzito kabisa.

Muonekano mzuri wa maharage katika bakuli tayari kw amlaji kushambulia

Hakikisha unampatia mlaji yakiwa yamoto, maharage haya unaweza kula wakati wowote ule ingawa watu wengi hupenda kula asubuhi wakati wa chai. Pia Unaweza kula na mkate au chapati au viazi aina yeyote ile.

WAANDALIE FAMILIA YAKO WAFURAHIE

JIFUNZE KUANDAA SALAD HII YA AVOCADO NA NJEGERE

2011-06-15T14:40:00.073+02:00

KAA TAYARI KWA RECIPE SAFI YA AVOCADO NA NJEGERE

Muda wa maandalizi dakika 30

Muda wa kupika dakika 15
Chakula kinatosha watu 2

MAHITAJI

480 gram njegere za kijani mbichi (chickpeas)

1 kubwa parachichi lililoiva limenye maganda (avocado)
1 fungu la gili gilani chop chop
120 gram kitunguu maji chop chop mimi natumia kitunguu cheupe (white onion)
1 pili pili hoho toa mbegu za ndani
1 limao kamua maji yake
1 kijiko kidogo cha chai chumvi
120 gram nyanya mbivu chop chop bila mbegu za ndani

JINSI YA KUANDAA FATILIA PICHA HAPO CHINI

Menya njegere zako kisha weka katika jagi la kupimia na upime kisha unaweka katika steamer mimi nilitumia hii hapo chini bamboo steamer ni kama chujio kwa chini unaweka juu ya sufuria yenye maji yaliochemka

Chemsha katika mvuke kwa dakika 6 mpaka 8. Kwenye maji unaweza chemsha kwa dakika 2 mpaka 3.

Kisha weka katika blenda au food processor pamoja na chumvi, limao na majani ya gili gilani

Saga mpaka iwe laini kabisa.

Kisha toa njegere katika blenda na uweke katika bakuli ´lenye avocado uliokwisha menya na uchanganye vitunguu chop chop, pili pili hoho chop chop na majani ya giligilani uliobakiza.

Kisha weka katika bakuli utakalo tumia mlaji na upambe juu pamoja na nyanya chop chop na majani ya gili gilani kwa kuongeza utanashati wa rangi. We enjoyed them along with tortillas, tortilla chips, tacos pia kwa chapati inapendeza sana.

Muonekano safi baada ya kupamba katika bakuli

WAANDALIE FAMILIA KWA KUBADILI LADHA YA CHAKULA NA KUBORESHA AFYA YA FAMILIA YAKO NAIMANI WATAIFURAHIA SANA

JIFUNZE KUTENGENEZA WALI WA NJEGERE

2011-06-10T17:36:00.042+02:00

KAA TAYAI KWA RECIPE SAFI SANA YA WALI HUU WA NJEGERE

MAHITAJI
240 gram mchele wa Basmati
120 gram njegele za kumenywa (chickpeas)
3 majani ya kitunguu maji (spring onions), kata kata
1 fungu la giligilani chop chop
1 fungu la parsley chop chop
1 kijiko kikubwa cha cakula siagi (butter) kwakuongeza ladha ya chakula
5 gram chumvi

UTAALAMU ZAIDI

Ukitaka kuongeza ubora wa muonekano na ladha unaweza weka zafarani au safron rangi yeyote ile wakati unapika wali wako. Pia unaweza kuweka aina tofauti ya viungo ipendavyo na wali ukaendelea kuvutia mlaji.

JINSI YA KUANDAA FATILIA MAELEZO NA PICHA HAPO CHINI

Loweka mchele kwa dakika 30, sio lazima ingawa nakushauri tu kitaalamu.Binafsi huwa naloweka ili kusaidia kulowana na uive haraka pia uchambuke. Chukua kikaango weka siagi kisha ikiyeyuka weka majani kiasi ya kitunguu maji na uendelee kukaanga. Kisha chuja mchelewako wa basmati nao weka ukiwa mkavu na endelea kukaanga mpaka unukie.

kisha weka chumvi pamoja na njegere koroga kiasi.

Kisha weka maji safi 400 gram hii inategemea na kiwango cha mchele wako,Funika mfuniko wa kikaango au sufuria yako na pika kwa dakika 10

Unaweza funua sufuria yako hata kabla ya dakika 10 hii inategemea na aina ya mchele pia kama uliloweka unaweza iva mapema zaidi. Ukiweka njegere mbichi kaaida zinaiva pamoja na wali wako na zinakua laini safi kabisa.

Kisha funua sufuria yako uangalie maendeleo.

Kisha weka chop parsley na chop giligilani kisha koroga zichanganyike na wali wako.

Baada ya hapo wali wako utakua umeiva na unaweza kula na mboga yoyote upendayo.

Chakula hiki kwa vipimo vilivyopo hapa kinatosha kuliwa na watu 3. waandalie familia yako wafurahie mapishi haya weekend hii.

JIFUNZE KUANDAA CAROT HALWA

2011-06-02T20:55:00.029+02:00

KAA TAYARI KWA KUJIFUNZA KUTENGENEZA KAROTI HALWA

Kuandaa ni dakika30

Kupika ni dakika 30
Idadi ya watu kula ni 2

MAHITAJI

480 gram ya karoti ya kukwaruzwa (grated)
240 gram ya maziwa
1 240 gram ya fresh cream
120 gram ya samli (ghee)
240 gram ya sukari
1 kijiko kidogo cha chai unga wa hiriki (cardamom powder)
1 kijiko kikubwa cha korosho zivunje vunje

JINSI YA KUANDAA FATILIA PICHA HAPO CHINI

Pasha kikaango katika moto, kisha weka samli iyeyuke na weka karoti, kaanga mapaka upate harufu nzuri ya kuiva (distinct aroma).

Kisha weka maziwa pamoja na cream pika kwa dakika 10 mpaka maziwa na cream yakaukie kwenye caroti (absorbed).

Kisha weka sukari pamoja na hiriki pika mapaka ishikane kabisa.

KIsha chukua chombo chochote au kikombe na weka halua yako kisha mimina katika sahani juu yake weka zile korosho zilizo kaangwa au kuokwa kama pambo kwajuu na pamoja kuongeza ladha. Pia unaweza tumia Zabibu kavu (raisins)na zinapendeza sana.

HUU NI MUONEKANO WA HALUWA IKIWA KATIKA SAHANI TAYARI KWA KULA WATENGENEZEE FAMILIA YAKO WAFURAHIE.

KAA TAYARI KWA RECIPE YAKITAFUNWA HIKI

2011-04-26T14:34:00.024+02:00

MAHITAJI

Muda wa kuandaa : 15 dakika

Muda wa kupika : 30 dakika

Muda wa kuloweka : 4 hadi 5 masaa

Mchanganyiko kwajili ya gamba la nje

Black gram dal/ Urad dal – 50 gms (about 1/4 cups)

Mchanganyiko wa kitafunwa kwa ndani

240 gram Bengal gram/Channa dal ( dengu za njano)

60 gram machicha ya nazi (Fresh grated Coconut)

1 kijiko kidogo cha chai unga wa hiriki (Cardamom powder)

5 gram chumvi

Mafuta kwajili ya kukaangia

JINSI YA KUANDAA FATILIA PICHA NA MAELEZO HAPO CHINI

KAA TAYARI KWA RECIPE

2011-04-26T13:58:00.028+02:00

MAHITAJI

80 gram wali mkavu (short grained rice)

30 gram ya mchele uliochemshwa nusu
240 gram za dengu za njano (pigeon peas)
60 gram za dengu (bengal gram)
60 gram za choroko (black gram)
2 pilipili nyekundu zilizokauka
120 gram ya korosho za kukaushwa
60 gram ya machicha ya nazi ( grated coconut)
5gram chumvi
4 majani ya curry

JINSI YA KUANDAA FATILIA PICHA NA MAELEZO HAPO CHINI

JIFUNZE KUTENGENEZA KINYWAJI HIKI KIZITO CHA MAEMBE

2011-04-18T13:01:00.043+02:00

UTEGENEZAJI WAKE NI RAHISI SANA NA NI NAFUU HUJULIKANA MAARUFU KAMA
MILK SHAKE YA MAEMBE NI TAMU SANA NA HUPENDWA NA WATU WA LIKA ZOTE

MAHITAJI

Kinywaji hiki kinatosha watu wawili kwa kutumia vipimo hivi
3 maembe makubwa
1/2 kijiko kidogo cha chai unga wa hiriki cardamom powder (weka kidogo kidogo kulingana na ladha)
2 kijiko kikubwa cha chakula sukari (Weka kidogo kidogo kulingana na utamu wa embe)
240 gram ya maziwa ya maji
5 vipande vya barafu (Ice cubes)
1 kijoko kikubwa vanilla ice cream

Unaweza tumia maembe yaliyogandishwa katika friji au maembe ya kwenye kopo.

Menya maembe kisha weka katika bakuli la kusagia

Weka maziwa ya maji na cardamom powder. Washa blenda yako kwa kasi ndogo ili kusaidia isage pole pole ukipata mapovu toa kwa kijiko.

KIsha weka barafu na endelea kusaga ipondeke kabisa na barafu.Kisha ongeza sukari na jitaidi kulamba uweze pata ladha unayotaka.

Kisha mimina katika kikombe juu yake unaweza weka ice cream

Huu ni muonekano safi kabisa wa kinywaji hiki kinakua cha bariidi na ni tayari kunywa watengenezee familia wafurahie na pasaka hii.

KUANZISHWA KWA CHAMA CHA KITAALAMU CHA WAPISHI TANZANIA

2011-04-13T14:10:00.003+02:00

TAARIFA NJEMA KWA WAPISHI WOTE WA KITANZANIA.

Active chefs Association of Tanzania (acat 2011)

BAADA YA MAFANIKIO MAKUBWA YA BLOG YA ACTIVECHEF SASA NIMEAMUA KUANZISHA CHAMA CHA KITAALAMU CHA WAPISHI TANZANIA. CHAMA HIKI NI CHAMA KISICHO CHA KIBIASHARA.

NATOA WITO KWA NDUGU ZANGU WATANZANIA WAPISHI WA HAPA NYUMBANI NA WALIOKO NJE YA NCHI TUUNGANE NA TUJENGE CHAMA CHENYE NGUVU TUWEZE TAMBULIKA KATIKA ULIMWENGU WA MAPISHI DUNIANI.

KWASASA TAYARI WAMESHAPATIKANA WANACHAMA KUMI WATANZANIA TOKA SAUDI ARABIA, AMERICA, SWISS NA UK. NAWAKARIBISHA WOTE MJIUNGE NI BURE HAKUNA ADA YEYOTE. FOMU ZA KUJIUNGA TUMA EMAIL issakesu@gmail.com KISHA NITAKUATUMIA HARAKA NAWE UNAJAZ ANA KUSCAN KISHA UNANITUMIA. KUANZIA MWEZI UJAO TUTAKUA NA WEBSITE YA CHAMA NA EMAIL YA CHAMA IPO KATIKA MATENGENEZO.

NAWAOMBA SANA NDUGU ZANGU WATANZANIA MUITIKIE WITO ILI TUWEZE KUFAIDI MATUNDA YA TAALUMA HII PIA TUWEZE ANDIKA HISTORIA DUNIANI.

MALENGO BAADA YA KUANZISHA CHAMA KWA MAFANIKIO YA MIAKA 2 KISHA TUTAJIUNGA NA CHAMA CHA WAPISHI DUNIANI ( wacs) World Association of Chefs Societies. KWA KUJIUNGA KATIKA CHAMA HIKI TUTAWEZA PATA WASAHA WA KUSHIRIKI MASHINDANO YA MAPISHI DUNIANI, KUSHIRIKI MAFUNZO NA MIKUTANO PAMOJA NA WAPISHI WALIOBOBEA DUNIANI NA MWISHO NI KUTAMBULIKA KOTE DUNIANI.

PIA TUNATEGEMEA KUJIUNGA NA CHAMA CHA World Master Chefs Society HAPA WAPISHI WENYE NGAZI ZA EXECUTIVE WATAPANDA DARAJA NA KUA MASTER CHEF BAADA YA KUA WANACHAMA NA KUPATA MAFUNZO MAALUM.

VYAMA VYOTE HIVI VIKUBWA DUNIANI HUWEZI JIUNGA MPAKA UWE UMEJIUNGA KATIKA CHAMA NDANI YA NCHI YAKO HAWAKUBALI KUSAJILI MTU BINAFSI. KWASASA WANACHAMA WA VYAMA VYOTE HIVI NI NCHI 5 TU KWA AFRICA !! South Africa, Namibia, Egypt, Mauritius na Ghana. TUNAWEZA KABISA KUANDIKA HISTORIA YA MAFANIKIO IKIWA TUTAUNGANA NA KUA KITU KIMPOJA.

CHAMA CHETU KIKIWA THABITI TUTAWEZA KUTETEA HAKI YA MPISHI NA KURUDHISHA HADHI NA HESHIMA YA TAALUMA HII ADIMU NA ADHIMU DUNIANI.

UNAWEZA TEMBELEA SITE HIZI ZA VYAMA HIVI VIKUBWA DUNIANI www.worldmasterchefs.com/ NA http://www.wacs2000.org/

MWEZI WA 5 KUANZIA TAR 1 NITAKUA DAR ES SALAAM KISHA NITAKWENDA ARUSHA NAIMANI UTAKUA WASAHA MAALUMU KUWEZA KUKUTANA NA WAPISHI WENZANGU TUKAZUNGUMZA KWA UNDANI ZAIDI NA NIKAWEZA JIBU MASWALI YENU KUMBUKENI HAKUNA MAFANIKIO BILA JUHUDI, MIPANGO NA MAARIFA. PIA UMOJA NI NGUVU.

Hii ni moja ya nembo zitakazotumia katika website

Hii ni nembo maalumu ya chama na itatumika katika sehemu zote za utambulisho ikiwemo website

Picha hii chef Issa akiwa katika mashindano ya Junior chefs katika kitongoji cha Luzern Switzerland na kuibuka mshindi wa kwanza.

Picha hii chef Issa akiwa katika mashindano ya Junior chefs katika utengenezaji wa chocolate ktk kitongoji cha Interlaken Switzerland na kuibuka mshindi wa tatu.

Picha hii chef Issa akiwa katika Tamasha kubwa duniani la sana zote ikiwemo ya upishi katika kitongoji cha Basel Switzerland.

Picha hii chef Issa akiwa katika kongamano la Junior chefs Munich German.

KILA MTU ANAWEZA AKIPEWA NAFASI NA WASAHA. SASA NI ZAMU YA WAPISHI WA KITANZANIA KUFAHAMIKA DUNIANI NA KUJIWEKEA HESHIMA NA MAISHA BORA.

KARIBUNI SANA SANA FOMU NI BURE.

CHEF ISSA

JIFUNZE KUTENGENEZA MSETO HUU WA AINA YAKE NI RAHISI NA NAFUU

2011-04-13T12:13:00.046+02:00

LADHA YA CHAKULA HIKI NI SAFI SANA UKIONJA MARA MOJA UTATAKA KULA KILASIKU YAMY YAMY

MAHITAJI'

240 gram choroko nyeusi (black lentils or whole black Urad dal )

120 Maharage mekundu (Kidney beans)
1 kijiko kidogo cha chai cumin seeds
2 kijiko kidogo cha chai pili pili ya kijani, slice ndogo ndogo
1 kijiko kidogo cha chai tangawizi iliyosagwa
1 kijiko kidogo cha chai unga wa giligilani (coriander powder)
1 kijiko kidogo cha chai unga wa hiriki (cardamom powder)
1 kitunguu kikubwa
3 kijiko kikubwa cha chakula siagi (2 kijiko kikubwa cha vegetable oil)
3 mbegu za karafuu
2 vipande vya mdalasini (cinnamon stick)
1 Bay leaf
1/2 kijiko cha chai unga wa manjano (turmeric powder)
240 ya nyanya ya kusagwa ( tomato puree)
240 gram ya cream au maziwa kwa kuongeza ladha
5gram chumvi
Majani ya giligilani kwa kupambia

JINSI YA KUANDAA FATILIA PICHA NA MAELEZO HAPO CHINI

KAA TAYARI KWA RECIPE

JIFUNZE KUPAMBA CHAKULA ILI KUONGEZA MVUTO KWA WALAJI

2011-04-09T19:58:00.019+02:00

MUONEKANO WA CHAKULA NI KIVUTIO TOSHA KWA MLAJI. JITAIDI PAMBA CHAKULA KATIKA SAHANI ILI KUVUTIA WALAJI KWANI MTU ANAANZA KULA KWA MACHO HATA KAMA CHAKULA SI KITAMU LAKINI MACHO YAKISHAPENDA MLAJI ATARIDHIKA NA MAPISHI YAKO.

KUPAMBA CHAKULA SI HOTELINI TU HATA NYUMBANI UNAWEZA PAMBA CHAKULA CHAKO NA KIKAVUTIA SANA

WALI NYAMA, YAI LA KUKAANGA NA SALSA

Huu ni muonekano wa chakula safi sana na kwa muonekano wa macho na hata kwa ladha ni safi sana

Pika wali wako saafi kisha kaanga yai kwa pembeni jicho la ng'ombe ( fried egg sun side up) kisha tengeneza salasa ya embe, nyanya na kitunguu weka pili pili manga chumvi na limao na pili pili mbuzi kiasi sio lazima.

kupamba katika sahani, chukua kibakuli au kikombe cha chupa ya chai kisha weka wali humo na kandamiza vizuri kisha geuza na weka katika sahani pembeni kama picha inavyoonyesha. Kisha weka salsa pembeni na yai la kukaanga.

Juu ya wali weka nyama au, kuku ya mchuzi mzito au samaki kisha juu yake unatupia karanga zilizookwa au korosho.

chakula hiki kitakua na muonekano safi sana na mlaji atafurahai mchanganyiko wa ladha.

VIAZI VYA KUKAANGA NA MCHANGANYIKO WA MBOGA MAJANI

Viazi ulaya ( Irish potato) oka kwenye oven pamoja na chumvi na mafuta kiasi na kitunguu swaumu

pili chukua pili pili hoho pamoja na nyanya mbivu pia oka kwenye oven lakini hakikisha zinaiva wastahi tu zisipondeke au kuiva sana pia kumbuka kuziwekea chumvi na mafuta kabla ya kuzioka.

Kisha kata kata kitunguu maji slice, majani ya kitunguu mabichi changanya katika viazi mchangayiko wote huo wa mboga majani hizi mbichi na zile za kuoka pia.

kumbuka kuweka pili pili manga na tomato ketchup kidogo.

Hapa mlo kamili unakua umekamilika kwa wale wasio tumia nyama na pia kwa wanaotumia nyama chakula hiki unaweza kula nanyama ya samaki, kuku au mbuzi na ng'ombe pia.

BADILISHA MUONEKANO BORA WA CHAKULA NYUMBANI KWAKO FAMILIA IFURAHIE MAPISHI BORA NA CHAKULA SAFI

JIFUNZE KUTENGENEZA WAFFLE YENYE LADHA YA ZAFARANI AU SAFRON

2011-03-24T18:21:00.064+01:00

KITAFUNWA HIKI NI SAFI SANA WAKATI WA CHAI ASUBUHI NA CHIMBUKO LAKE NI NCHINI BELGIUM KAA TAYARI KWA RECIPE SAFI KABISA

MAHITAJI

480gram whole wheat graham flour ( au tumia unga wa ngao wa kawaida)

4 mayai vunja tumia ute mweupe tu
1 lita ya maziwa
30 gram olive oil
3 kijiko kikubwa cha chakula sukari ( Pia unaweza tumia asali badaya la sukari na inapendeza sana na unga graham)
2 kijiko kidogo cha chai baking powder
1/2 kijiko kidogo cha chai chumvi
2 gram ya saffron ( weka kidogo sana)

JINSI YA KUANDAA FATILIA ÅICHA NA MAELEZO HAPO CHINI

Huu ni muonekano wa unga wa ngano anina ya Graham

Katika bakuli changanya unga, sukari, chumvi na baking powder.

Chemsha maziwa yawe ya vugu vugu pamoja na saffron hakikisha unakoroga vizuri kisha weka pembeni katika bakuli

Kumbuka: Kama umetumia asli badala ya sukari, Basi hutakiwi kuweka sukari katika unga unatakiwa uweke asli katika haya maziwa.

Piga ute mweupe wa mayai mpaka uwe na mapovu

Kisha chukua mchangayiko wa maziwa na changanya katika unga.

Kisha ingezea mafuta ya olive.

KIsha ongezea ule ute mweupe wa mayai kisha tumia mwiko na changanya pole pole mpaka unga wote uchanganyike vizuri.

Koroga pole pole mpaka mchangayiko wooote uchangayike vizuri.

Hakikisha unawasha jiko lakupikia wafle kama maelezo ya kiwandani yanavyoelekeza, kisha weka mafuta kiasi na mwagia juu mchanganyiko wa unga.Hakikisha unaweka mchnaganyiko kiasi isijae kabisa maana inaumuka pia sambaza ienee jiko lote.

Muda wa kupika ni dakika 3 mpaka 5 lakini inategemea na maelekezo toka kiwandani. Muonekano huu safi wa rangi ya kahawia ni kua waffle yako imeiva na inaonekana safi sana.

Kawaida lazima iwe crispy unapotafuna kw amara ya kwanza kisha ukiendeleea inakua laini. Saffron sio kwajili ya kuongeza rangi ya njano tu au ya rangi ya chungwa lengo hasa ni kuongeza ladha.Unaweza kula kama ilivyo wakati wa chai asubuhi au uka sliced matunda kama strawberries au blueberries, pia unaweza nyunyiza icing sugar au maple syrup. And oh yes kisha ukinywa na kikombe cha freshly orange juice ukawa umeanza siku na yummy breakfast

Pia unaweza zikata katika muonekano huu hasa unapompatia mtoto

NI TAMU SANA HII WAFFLE WAANDALIE FAMILIA WAFURAHIE CHAI YA ASUBUHI

JIFUNZE KUTENGENEZA WALI WA KUKAANGA WA KITUNGUU SWAUMU

2011-03-24T18:07:00.045+01:00

KAA TAYARI KWA MAPISHI YA WALI HUU SAFI WENYE LADHA YA KITUNGUU SWAUMU NI MAARUFU SANA KWA WENZETU WAPHILIPINO.

MAHITAJI

500 gram za wali ulio iva au wali uliopikwa ukalala ( Huwa natumia mchele wa Basmati)

2 kijikjo kikubwa cha chakula kitunguu swaumu kilichosagwa
4 mbegu nzima za kitunguu swaumu kilichomenywa (sio lazima)
4 miti ya majini ya kitunguu maji chop chop
5 gram chumvi
1 kijiko kikubwa cha chakula siagi ( butter)

JINSI YA KUANDAA FATILIA PICHA NA MAELEZO HAPO CHINI

Katika kikaango weka siagi kisha iyeyuke kisha tupia mbegu za kitunguu swaumu ziendelee kuiva.

Kaanga mpaka iwe ya kahawia hakikisha haiunguwi. Hii hatua sio lazima ila mimi nimeongezea tu kwakua huwa napenda sana ladha ya kitunguu swaumu (garlic lovers) kisha toa hizo mbegu na weka pembeni.

Katika kikaango hicho hicho, weka kitunguu swaumu cha kusangwa na majini ya kitunguu maji mabichi yalio katwa katwa

Mchanganyiko wako ukishalainika na kutoa arufu nzuri, kisha chukua wali wako na weka katika kikaango.

Hakikisha una changanya haraka haraka ili iweze changanyika vizuri.

Kisha rushia zile mbegu za kitunguu swaumu ulizokaanga mwanzo na uendelee kuchanganya.

Hakikisha unampatia mlaji haraka chakula kikiwa cha moto chakula hiki unaweza kula na mchuzi au mboga ya aina yeyote.

AINA HII YA MAPISHI INATUFUNDISHA KUA TUNAWEZA AMSHA LADHA ILIYOPOTEA KATIKA WALI ULIOPIKWA JANA UKALALA BADALA YA KUTUPA TUNAONGEZA LADHA NA MLAJI ANAFURAHIA KAMA UMEPIKWA LEO. NI DHAMBI KUTUPA CHAKULA CHYUKUA UTAALAMU HUU NA FAMILAI YAKO ITAFURAHI SANA.

WAPENZI WA PASTA NA NOODLES HIKI HASA NDIO CHAKULA CHENU

2011-03-17T12:17:00.079+01:00

WAPENZI WA KUPIKA BIRIYANI ANGALIA MWISHO KABISA CHINI YA BLOG UTAONA RECIPE SAFI YA BIRIYANI

PIA KAA TAYARI KW AMAFUNZO YA KUPIKA NOODLES HIZI KWA KUTUMIA MBOGA MAJANI

MAHITAJI

1 paketi ya noodles au spaghetti

1 kitunguu maji kata slice
360 gram ya mushrooms ( uyoga) kata slice
2 Tangawizi mbichi kata slice nyembamba sana
5 gram kitunguu swaumu
1 fungu la spinach
150 gram njegere zilizochemshwa
1 pili pili hoho kata vipande vidogo
2 kijiko kikubwa cha chakula Oyster sauce
5 kijiko kikubwa cha chakula soy sauce
2 kikiko kikubwa cha chakula sesame oil ( mafuta ya ufuta)

JINSI YA KUPIKA FATILIA PICHA NA MAFUNZO HAPO CHINI

Andaa noodles kama maelezo yanavyosema katika paketi. Kawaida huwa nachemsha pamoja na chumvi kisha nachuja maji ya moto na ninazipoza katika maji baridi baada ya kuiva. Kisha nazichuja tena na kuzikausha kisha naweka mafuta ya ufuta kijiko kimoja ili kufanya zisishikane.

Hakikisha wakati umemaliza kuchemsha noodles au spagheti mboga majani zote uweme umeshaanda na kuzilkata kwani tunaanza kupika kwa moto mkali sana na kwa haraka. Katika kikaango weka kijiko kimoja cha mafuta ya ufuta kisha weka moto mkali sana yapate moto kisha ongeza kitunguu swaumu, tangawizi na kitunguu maji.

Vitunguu vikishaiva ongeza pilipili hoho na mushrooms

Hakikisha pilipili hoho zinaiva kiasi tu na kutoa harufu nzuri zisipondeke kisha weka majani ya spinach na endelea kukaanga.

Majani ya spinach yakishapata moto na kuanza kulainika weka noodles pamoja na njegere.

Kisha weka soy sauce na oyster sauce haraka haraka hakikisha unachanganya noodles zako zichanganyike pamoja na sauce na mboga majani.

Kisha toa chakula chako katika moto na muhudumie mlaji haraka. Kuongeza ladha zaidi unaweza weka chilli sauce au tomato ketchup.

CHAKULA HIKI NI RAHISI KUPIKA PIA NI NAFUU KWA GHARAMA YA MANUNUZI PIKA CHAKULA HIKI FAMILIA YAKO IFURAHIE TOFAUTI YA MAPISHI.

CULINARY CHAMBER Tanzanian Executive Chef Issa Kapande

JIFUNZE KUTENGENEZA BAJIA HII YA MBOGA AINA YA CAULIMAUA

JIFUNZE KUPIKA KITAFUNWA HIKI CHA MCHANGANYIKO WA UNGA WA MCHELE NA DENGU

JIFUNZE KUPIKA KEKI HII YA MAZIWA AINA TATU

JIFUNZE KUPIKA PANCAKE YA MBOGA MAJANI

JIFUNZE KUTENGENEZA BISKUTI ZA UNGA WA NGANO NA VIAZI VYA KUCHEMSHA﻿

JIFUNZE RECIPE ZA CHAPATI, MAANDAZI NA SAMOSA

JIFUNZE KUTENGENEZA MUFFIN YA MATUNDA NA NAFAKA KWA LADHA SAFI KABISA

JIFUNZE KUTENGENEZA CHAKULA HIKI CHA MCHANGANYIKO WA MABOGA, KAROTI, KITUNGUU NA PANEEL CHEESE

JIFUNZE KUPIKA WALI AINA YA RISOTTO

KHERI YA MWAKA MPYA WAPENZI WOTE WA BLOG YA CHAKULA SALAMA NA BORA

JIFUNZE KUPIKA KITAFUNWA CHA SPINACH NA DENGU

JIFUNZE KUPIKA DENGU HIZI TAMU SANA

HABARI WAPENZI WA BLOG

JIFUNZE KUTENGENEZA WALI WA MANJANO

JIFUNZE KUPIKA MKATE HUU WA UNGA WA ATTA NA KITUNGUU SWAUMU

JIFUNZE KUTENGENEZA KINYWAJI HIKI CHA STRAWBERY MCHANGANYIKO NA ICE CREAM

HABARI NJEMA WAPENZI WA BLOG

JIFUNZE KUPAMBA CHAKULA KATIKA SAHANI

JIFUNZE KUTENGENEZA BAMIA HIZI KWA UHARAKA NA LADHA SAFI

JIFUNZE KUTENGENEZA BAMIA NA MCHUZI MZITO WA MTINDI

JIFUNZE KUTENGENEZA KEKI HII SAFI KABISA YA MCHANGANYIKO WA NAFAKA

JIFUNZE KUTENGENEZA KEKI YENYE LADHA YA MAEMBE

JIFUNZE KUTENGENEZA ICE CREAM YA MATUNDA BILA KUTUMIA MAYAI

JIFUNZE KUTENGENEZA TAMBI ZA AINA YAKE

JIFUNZE KUANDAA PUDING YA WALI NA CHOCOLATE

WE NI MPENZI WA SANDWICH

WEWE NI MPENZI WA CHOCOLATE NA MCHANGANYIKO WA KARANGA?

NASHUKURU SANA WAPENZI WA BLOG KWA KUNIPIGIA KURA

JIFUNZE KUTENGENEZA MCHUZI WA MBOGA MAJANI NA NAZI

HABARI NJEMA WAPENZI WA BLOG HII YA MAPAISHI

JIFUNZE KUTENGENEZA WAFFLE YENYE LADHA YA NAZI NA UKALA PAMOJA NA MATUNDA MCHANGANYIKO

WAPENZI WA KINYWAJI KIZITO AU SMOOTHIE

JIFUNZE KUTENGENEZA MAHARAGE YA LADHA YA KUOKA

JIFUNZE KUANDAA SALAD HII YA AVOCADO NA NJEGERE

JIFUNZE KUTENGENEZA WALI WA NJEGERE

JIFUNZE KUANDAA CAROT HALWA

KAA TAYARI KWA RECIPE YAKITAFUNWA HIKI

KAA TAYARI KWA RECIPE

JIFUNZE KUTENGENEZA KINYWAJI HIKI KIZITO CHA MAEMBE

KUANZISHWA KWA CHAMA CHA KITAALAMU CHA WAPISHI TANZANIA

JIFUNZE KUTENGENEZA MSETO HUU WA AINA YAKE NI RAHISI NA NAFUU

JIFUNZE KUPAMBA CHAKULA ILI KUONGEZA MVUTO KWA WALAJI

JIFUNZE KUTENGENEZA WAFFLE YENYE LADHA YA ZAFARANI AU SAFRON

JIFUNZE KUTENGENEZA WALI WA KUKAANGA WA KITUNGUU SWAUMU

WAPENZI WA PASTA NA NOODLES HIKI HASA NDIO CHAKULA CHENU

JIFUNZE KUTENGENEZA BISKUTI ZA UNGA WA NGANO NA VIAZI VYA KUCHEMSHA