JIFUNZE KUTENGENEZA CHAPATI KWA KUTUMIA AINA KUMI NA TANO ZA NAFAKA PAMOJA NA MCHELE WA KAHAWIA

JIFUNZE KUTENGENEZA CHAPATI YA AINA YAKE KWA KUTUMIA NAFAKA ZA AINA 15 PAMOJA NA MCHELE WA BROWN, NI TAMU SANA NA FAMILIA ITAFURAHIA SANA

 

MAHITAJI

 

240 gram mchele wa Brown

240 gram nafaka aina 15  Mchanganyiko

2 pilipili nyekundu kavu

1 Tangawizi osha na umenye

120 gram tui la nazi, nazi ya pakiti au kopo inafaa

majani ya Curry kwajili ya ladha

majani ya giligilani kwajili ya ladha

5 gram chumvi

JINSI YA KUANDAA FATILIA PICHA NA MAFUNZO HAPO CHINI



Muda wa maandalizi : Masaa 8 hadi siku 1

Muda wa mapishi : Dakika 15

Idadi ya walaji : Watu 5

 

Picha inaonyesha mchanganyiko wa nafaka kiswahili chake ni kigumu lakini ukiangalia katika picha unaweza jua pia n a sio lazima uweke aina zote 15 unaweza tumia hata aina 5 na ikafaa majina ya nafaka hizo kwa kiingereza ni dried beans, peas, and lentils : Northern, Pinto, large Lima, Yellow eye bean, garbanzo, baby Lima, Green Split Pea, Kidney, cranberry bean, small White, Pink bean, small red, yellow split pea, lentil, navy, white kidney, black bean.

 

Loweka nafaka zote katika bakuli 1 kisha loweka mchele wa brown katika bakuli jingine loweka kwa usiku mzima.

 

Kesho yake asubuhi, Chuja maji vizuri

 

Kisha chukua nafaka zote na uziweke katika food processor/ blenda.

 

Weka tui la nazi pamoja na chumvi, majani ya gili gilani na majani ya curry kisha saga

 

Hakikisha umesaga vizuri kisha mimina katika bakuli pembeni

 

 

Kisha chuja mchele wa brown mimina katika processor ilie ile uliotumia mwanzo kusagia nafakla wala usihangaike kuiosha

 

Saga mpaka upate kimiminika.

 

Kisha chukua mchanganyiko wa zile nafaka changanya na mchanganyiko wa mchele.

 

Hakikisha mchanganyiko wako unachanganyaika vizuri na kisha ikiwa nzito unaweza ongeza maziwa au maji kiasi upate kimiminika kizito cha wastani.

 

Kuongeza ladha na sio lazima kama unapenda unaweza kuongezea kitunguu maji chop chop na pili pili ya kijani.

 

Chukua kikaango kisafi na mwagia mafuta kwa juu kisha kata kitunguu nusu na tumia kusambaza mafuta katika kikaango chako

 

Mwagia unga kati kati ya kikaango.

 

Chukua kijiko na kisha tumia kusambazia pole pole ukitengeneza mduara

 

 

Hakikisha unaweka mduara safi na mwembamba ili chapati yako iwe laini na kavu pia.

 

Ukishaona inaanza kua ya kahawia unatakiw akuigenuza

 

 

Hakikisha unatumia moto wa kati  na choma chapati yako kwa dakika 5 au 6 tu iwe imeiva pande zote 2

 

 

Kumbuka kunyunyizia mafuta tu kila unapomaliza kugeuza ili upande ambao haujaiva nao uive uwe wa kahawia na kunukia harufu safi sana

 

 

Unaona inavyopendeza na ni kavu na laini safi kabisa

 

 

Chapati hii inapendeza sana kula ikiwa yamoto, pika kiasi tu ili mlaji aweze kula ikiwa fresh na yamoto kwa matumizi yajayo tafadhali weka unga huu katia friji na unaweza kuutumia hata baada ya wiki 1 waandalia wateja hotelini au nyumbani famia wafurahie kitafunwa hiki.

 

 

SALAD YA NYANYA NA CHEESE

KWA WALE WOTE WAPENZI WA SALAD NAIMANI MCHANGANYIKO HUU MRAHISI NA NAFUU WA SALAD MTAUPENDA SANA KWANI MAHITAJI YOTE NI RAHISI SANA KUPATIKANA. JINA MAARUFU INAITWA TOMATO AND MOZARRELA SALAD.

MAHITAJI

 

460 grams nyanya nzuri za kuiva

230 grams fresh Mozzarella cheese

60 gram majani ya Basil

3 kijiko kikubwa cha chakula Extra Virgin Olive Oil

5 gram chumvi

5 gram pili pili manga 

 

JINSI YA KUANDAA FATILIA PICHA NA MAELEZO HAPO CHINI

Muda wa maandalizi: dakika 30

Muda wa mapishi : Dakika 15

Idadi ya walaji : Watu 3

Mimi binafsi huwa napenda dsana kutumia cherry tomatoes zinamuonekano safi sana na zinaladha safi sana.

Nyanya zikate nusu kwa urahisi wa kutafuna

Kisha kata na mozarella cheese vipande vidogo

 

Mimina na Changanya katika bakuli moja

Mwagia chumvi na pili pili manga

Picha hapo chini mwagia Extra Virgin Olive Oil hakikisha mafuta haya ya olive unaweka tu wakati unataka kumaptia mlaji.

Hakikisha unaweka mafuta wastani

kisha weka majani ya basil na uchanganye pole pole

Huu ndio muonekano halisi wa salad yako ni vizuri kama utapata nyanya zenye rangi tofauti kama nyekundu na njano kwa ulaya ni rahisi sana kupatikana kwa miji mikubwa nyumbani kama dar au Arusha ukienda kwenye supermaket kubwa utazipata aina hizi za nyanya au uliza cherry tomato.

Unaweza kula kama starter au mlo kamili ukiwa na mkate kwa pembeni. Waandalie familia au wageni hotelini watafurahia sana.

JIFUNZE KUPIKA WALI WA SAUSAGE NA MBOGA MAJANI MCHANGANYIKO

JIFUNZE KUPIKA MBOGA MAJANI NA MCHANGAKO WA WALI NA SAUSAGE

MAHITAJI

3 vipande vya sausage
1 fungu la majani ya vitunguu
1 kitunguu kikubwa
100 gram njegere
500 gram chele basmati
5 gram chumvi
5 gram pili pili manga

JINSI YA KUANDAA FATIKLIA PICHA NA MAELEZO

Muda wa mapishi dakika 45
Muda wa maandalizii dakika 15

 

Huu ndio muonekano wa majani machanga ya vitunguu

Kaanga vitunguu maji katika kikaango kwa kuweka mafuta ya kupikia kiasi

Kisha ongezea majani mabichi ya vitunguu kama inavyoonekana katika picha

Baada ya kukaanga kwa dakika mbili vitunguu pamoja na majani vitoe tu harufu na sio kuungua kubadilika rangi kisha weka mchele na endelea kukaanga

Kaanga mchele kwa dakika 3 mpaka 4 kisha weka maji ya wastani yazidi mchele wako kiasi na uendelee kukoroga ili maji yachanganyike na mchele wako

Kisha funikia na weka moto wa wastani ili wali wako uive taratibu

Kisha chukua sausage zako na kata kata vipande vidogo

Huu ndio muonekano wa vipande vya sausage baada ya kukata

Kisha tupia juu ya wali wako njegere zilizochemshwa pamoja na vipande vyoote vya sausage

Kumbuka kuendelea kukoroga ili kila kitu kichanganyike, pia kama mpenzi wa blue band au samli unaweza weka kiasi ili kuongeza ladha na harufu safiu sana katika wali wako

Safi sana hapa kila kitu kimechanganyika na ninaimani baada ya dakika 45 wakli wako utakua umiva kama haujaiva basi ongezea maji kidogo na endelea kupika katika moto mdogo

Ukimaliza pakua na mpatie mlaji chakula hiki kikiwa chamoto



waandalie famili au hotelini kila atakae kula atafurahia sana

JIFUNZE JINSI YA KUPIKA PILAU YA MBOGA MAJANI

KAA TAYARI KABISA KWA KUJIFUNZA KUPIKA PIALU HII YA MBOGA MAJANI

MAHITAJI

250 gram mchele wa basmati
1 kijiko binzali nyembamba (cumin seeds)
1/2 kijiko kidogo cha chai garam masala
1/2kijiko kidogo cha chai coriander powder
1/4 kijiko kidogo cha chai turmeric powder
60 gram njegere za kuchemshwa
1 kitunguu maji chop chop
3 nyanya za kuiva nazo chop chop
1 kijiko kidogo cha chai tangawizi ya kusagwa
1kijiko kidogo cha chai kitunguu swaumu cha kusagwa
2 pili pili mbuzi, kisha kata vipande vidogo vidogo
60 gram korosho au karanga za kukaanga (sio lazima)
1 kijiko kidogo cha chai siagi au mafuta ya samli kwa ladhamajani ya giligilani na majani ya mint kwa kupambia na kuongeza ladha

JINSI YA KUPIKA FATILIA PICHA NA MAFUNZO HAPO CHINI

Muda wa maandalizi : Dakika 15
Muda wa mapishi : Dakika 30
Idadi ya walaji : Watu 2

 

Kwenye kikaango weka kijiko kimoja cha mafuta ya kupikia kama ni samli au siagi, kisha graham masala, unga wa manjano, binzali nyembamba na unga wa corienda kaanga kidogo kisha weka kitunguu swaumu, kitunguu maji, tangawizi, pilipili mbuzi na nyanya zote ziwe chop chop vipande vidogo kama inavyoonekana kweny picha. Kisha weka chumvi, karafuu na pili pili manga endelea kukaanga.

UKisha pata harufu ya kunukia saafi imeenea jiko zima hahahahaaaa !! na mboga zako ziwe zimeanza kuiva na hazijaregea basi anza kumimina mchele kidogo.

Endelea kukaanga wali wako na ukiuchanganya uchanganyike vizuri kabisa na mboga kwa dakika 2 au 3inategemea na moto wa jiko lako au ubora wa sufuria yako.

Kisha weka gram 600 za maji ni sawa na nusu lita na 100 gram za maji kisha koroga na funika na mfuniko acha iive kwa dakika 10 kwa moto wa wastani.

Baada ya dakika 10 itakua imekaribia kabisa kuiva, kisha weka njegere za kuiva na koroga kidogo ichanganyike kisha pika kwa dakika 2 tena.

Baada ya pilau yako kuiva basi juu yake rushia majani ya mint au giligilani kuongeza uzuri wa rangi, ladha na harufu safi sana katika pilau yako.

Mwisho kabisa pia ukiwa mpenzi wa siagi mwagia kwajuu kiasi au unaweza mwagia samli hii nikuongeza harufu nzuri na ladha zaidi.

Usisahau kwajuu kabisa mwagia karanga au korosho za kukaangwa.  Kumbuka kuaandaa mchuzi mzito kabisa pembeni kwajili ya kulia chakula chako. Kwamapishi haya haya unaweza pika ikawa pilau ya nyama ya kuku, mbuzi au ng'ombe kumbuka kuikata kata nyama na unaiweka mwanzo kabisa wakati unakaanga viungo itaiava sambamba na wali wako na itapendeza sana.